Ilmiy jurnal Milliy ilmiy nashr
- Tuproqshunoslik va agrokimyoviy tadqiqotlar instituti
- Yangiliklar
“Tuproqshunoslik va agrokimyo” ilmiy jurnalining 2023 yilning № 1-soni nashr etildi.
O‘zbekiston Respublikasi Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar institutining ushbu ilmiy jurnali O‘zbekiston Respublikasi Oliy attestatsiya komissiyasi tomonidan 2022 yil 29 dekabrdan biologiya fanlari bo‘yicha, 2023 yil 31 yanvardan qishloq xo‘jaligi fanlari bo‘yicha dissertatsiyalar asosiy ilmiy natijalarini chop etishga tavsiya etilgan milliy ilmiy nashrlar ro‘yxatiga kiritildi.
Jurnal sahifalarida O‘zbekiston va xorijiy mamlakatlar qishloq xo‘jaligida tuproqshunoslik yo‘nalishida tahsil olayotgan talaba yoshlar, magistrantlar, doktorantlar, professor-o‘qituvchilar va olimlarning ilmiy maqolalari, agrar sohaga oid yangiliklar va hodisalar, Prezident qarorlari va boshqa ko‘plab materiallar yoritib boriladi.
Nashrning har bir sonining elektron formati ham mavjud bo‘lib u institutning soil.uz saytining “Ilmiy jurnal” platformasining “Taxririyat” qismi va Institutning telegram kanallariga mumtazam ravishda joylashtirilib boriladi.
Ayni paytda jurnal taxririyati tomonidan № 2-son uchun maqolalar jamlanmoqda. Siz o‘z ilmiy tadqiqot ishlaringiz yuzasidan tayyorlagan ilmiy maqolalaringizni uch tilda: o‘zbek, rus va ingliz tillarida taxririyatga taqdim etishingiz mumkin.
TAXRIRIYAT
ILMIY KENGASH MAJLISI O‘TKAZILDI
- Tuproqshunoslik va agrokimyoviy tadqiqotlar instituti
- Yangiliklar
Bugun Tuproqshunoslik va agrokimyoviy tadqiqotlar instituti Ilmiy kengashi majlisi bo‘lib o‘tdi. Yig‘ilishni Institut Ilmiy kengashi raisi biologiya fanlari doktori Sh.M.Bobomurodov olib bordi.
Yig‘ilish quyidagi kun tartibdan:
1. Institut 1-bosqich doktorantlari, tayanch doktorantlari va mustaqil izlanuvchilarining ish rejalari muhokamasi;
2. Institut xodimlarining “Katta ilmiy xodim” ilmiy unvonini olishi uchun OAK ga taqdim etilayotgan xujjatlar muhokamasi;
3. Abduraxmonov N.Yu., Arabov S.A., Mansurov Sh.S.larning “Mirzacho‘lning sug‘oriladigan tuproqlari va ularning meliorativ holati” mavzusida tayyorlagan monografiyasi muhokamalaridan iborat bo‘ldi.
Kun tartibidagi birinchi masala bo‘yicha, Qoraev Aliyor Hasanovich va Gulimov Quvondiq Xamzayevich ilmiy daraja olish uchun taqdim etgan dissertatsiya ish dasturilarini taqdimoti bilan tanishtirdi. Shundan so‘ng kengash a’zolari tomonidan savol va taklif-tavsiyalar berildi.
TATI tuproq tadqiqot ishlari
- Tuproqshunoslik va agrokimyoviy tadqiqotlar instituti
- Yangiliklar
 |
 |
 |
Bugungi kunda qishloq xo‘jaligi sug‘oriladigan yerlarning unumdorligi va ishlab chiqarish qobiliyatini belgilash uchun sifat ko‘rsatkichlarini, ya’ni tuproq baholash ishlarini va ularni ekologik-meliorativ holatini chuqur tahlil qilish muhim bosqichi hisoblanadi.
Shu kunlarda Tuproqshunoslik va agrokimyoviy tadqiqotlar instituti olim va mutaxassislari tomonidan Jizzax viloyati bo‘yicha sug‘oriladigan tuproqlarining bugungi kundagi sifat ko‘rsatkichlari, tuproq sho‘rlanish holatini aniqlash uchun tumanlarda dala, laboratoriya-analitik va kameral ishlar institutning bir guruh xodimlari tomonidan amalga oshirilmoqda. Bugungi kunga qadar viloyatning Sh.Rashidov, Paxtakor, Do‘stlik va Mirzacho‘l tumanlarida dala tadqiqot ishlari nihoyasiga yetkazildi. Batafsil
SHO‘RLANGAN TUPROQLARNI BOSHQARISH BO'YICHA XALQARO ANJIMAN
- Tuproqshunoslik va agrokimyoviy tadqiqotlar instituti
- Yangiliklar
Avval xabar qilganimizdek mamlakatimizda Global tuproq hamkorligi (GSP), (EASP) va Birlashgan Millatlar Tashkiloti (BMT) Oziq-ovqat va qishloq xo‘jaligi Tashkiloti (FAO)ning O‘zbekistondagi vakolatxonasi O‘zbekiston Respublikasi Qishloq xo‘jaligi vazirligi va bir qator milliy hamkorlar bilan birgalikda 22-26 may kunlari Toshkent va Nukus shaharlarida Sho‘rlangan tuproqlar xalqaro tarmog‘i (INSAS)ning ikkinchi yig‘ilishi bo‘lib o‘tmoqda.
"Sho‘rlangan tuproqlar bo‘yicha xalqaro seminar: Barqaror kelajak uchun sho‘rlangan tuproqlarni boshqarish" mavzusidagi xalqaro seminarda respublikamiz hamda 20 ga yaqin mamlakatdan 50 ga yaqin xalqaro miqyosda tan olingan mutaxassis-olimlar, davlat tashkilotlari va ilmiy tadqiqot institutlari jumladan, Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar instituti professorlari, fan doktorlari, ilmiy xodimlari ishtirok etishmoqda.
Institut tomonidan Jizzax viloyatining qishloq xo‘jaligi yerlaridan unumli foydalanish, unumdor yerlarni muhofaza qilishga doir keng ko‘lamli ishlar olib borilmoqda.
- Tuproqshunoslik va agrokimyoviy tadqiqotlar instituti
- Yangiliklar
 |
 |
 |
Tuproqshunoslik va agrokimyoviy tadqiqotlar instituti tomonidan Jizzax viloyatining qishloq xo‘jaligi yerlaridan unumli foydalanish, unumdor yerlarni muhofaza qilishga doir keng ko‘lamli ishlar olib borilmoqda.
Ayni paytda Jizzax viloyatining Mirzacho'l, Arnasoy va Zafarobod tumanlaridagi tayanch massivlaridan qishloq xo‘jalik yerlari tuproqlarini monitoring maqsadlarida tadqiq etish uchun tuproq namunalari olish ishlari yakuniga yetkazilb, qolgan tumanlarda tadqiqotlar davom ettirilmoqda.
Ushbu maqsadli dala tadqiqotlarida Institut bo'lim mudiri A.J.Ismonov boshchiligida bir guruh yuqori malakali mutaxassislar ishtirok etishmoqda.