 |
 |
O‘zbekiston Respublikasi Prezidentining 2021-yil 23-noyabrdagi “Meva-sabzavotchilik va uzumchilikda oilaviy tadbirkorlikni rivojlantirish, qishloq xo‘jaligi ishlab chiqarishida dehqon xo‘jaliklarining ulushini oshirish chora-tadbirlari to‘g‘risida”gi PQ-20-son qarorining 12-bandi topshiriqlari ijrosi yuzasidan, hududlarda qishloq xo‘jaligiga mo‘ljallangan yer maydonlarini ochiq elektron tanlov orqali ijaraga olgan fuqarolarni bilim va malakasini oshirish bo‘yicha o‘quv seminarlari tashkil etildi.
Bundan asosiy maqsad, hududlardagi har bir mahallaning “O‘sish nuqtasi”dan kelib chiqib, qishloq xo’jaligining barcha tarmoqlari bo‘yicha Qishloq xo’jaligida bilim va innovatsiyalarni milliy markazi hamda uning hududiy Agroxizmatlar markazlari orqali o’qitib, malakasini oshirishdir.
Shu munosabat bilan, Toshkent viloyat Agroxizmatlar markazi tomonidan qishloq xo‘jaligiga mo‘ljallangan yer maydonlarini ochiq elektron tanlov orqali ijaraga olgan fuqarolarni qishloq xo’jaligining tarmoqlari bo’yicha qisqa muddatli intensiv-o’quv kurslari orqali o’qitish dasturlari ishlab chiqildi.
Bugun ushbu tadbir viloyatning Yuqori Chirchiq tumanida tashkil etilib, unda Tuproqshunoslik va agrokimyoviy tadqiqotlar institutining yuqori malakali mutaxassislari ishtirok etishdi. Mutaxasslar tomonidan seminar yig‘ilish qatnashchilariga tuproq unumdorligini oshirish bo‘yicha ilmiy asoslangan tavsiyalar berildi.
 |
 |
Бугун мамлакатимизда барча тизимларида бўлгани сингари ер ресурсларини муҳофаза қилиш ва улардан оқилона фойдаланиш бўйича ҳам илмий-амалий ишлар тизимли равишда амалда бажарилмоқда.
Айни пайтда Тупроқшунослик ва агрокимёвий тадқиқотлар институти директори Шуҳрат Бобомуродов бошчилигидаги бир гуруҳ олимлар Бухоро вилоятига амалий сафари ташкил қилиниб, Бухоро давлат университетида М.В.Ломоносов номидаги Москва давлат университети Тупроқшунослик факультети декани ўринбосари Тимофеева Елена Александровна, факултетнинг Тупроқ биологияси йўналишидаги олима Грачева Татьяна Александровна ҳамда Бухоро давдат университети факультети декани Ҳафиза Ортиқова билан учрашуви бўлиб ўтди.
Учрашувда Тупроқшунослик соҳасида илмий муассасалар билан яқиндан ҳамкорликка оид истиқболдаги режалар ҳамда лойиҳалар юзасидан келишувларга эришиш билан бир қаторда биргаликда соҳага оид илмий- тадқиқотлар олиб бориш, долзарб масалаларда илмий семинар ва конференциялар ўтказиш, ёш илмий тадқиқотчилар алмашинувини йўлга қўйиш бўйича ишлар амалга оширилиши режалаштирилди.
Мулоқотлар якунида томонлар илмий ҳамкорлик бўйича тупроқшунослик йўналишидаги олий таълим сифатини ошириш, илмий-тадқиқот изланишларни янада чуқурлаштиришга хизмат қилишига ишонч билдирилди.
“Tuproqshunoslik va agrokimyo” ilmiy jurnali milliy nashrlar ro‘yxatida
- Tuproqshunoslik va agrokimyoviy tadqiqotlar instituti
- Yangiliklar
O‘zbekiston Respublikasi Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar instituti tomonidan 2022-yildan buyon “Tuproqshunoslik va agrokimyo” ilmiy jurnali nashr etilmoqda.
Endilikda ushbu ilmiy jurnal, O`zbekiston Respublikasi Oliy ta`lim, fan va innovatsiyalar vazirligi huzuridagi Oliy attestatsiya komissiyasi tomonidan
2022 yil 29-dekabrdan 03.00.00-Biologiya fanlari bo‘yicha, 2023 yil 31-yanvardan 06.00.00-Qishloq xo‘jaligi fanlari bo‘yicha dissertatsiyalar asosiy ilmiy natijalarini chop etishga tavsiya etilgan milliy nashrlar ro‘yxatiga kiritildi.
Asos:
O‘zbekiston Respublikasi OAK Biologik tadqiqotlar va biotexnologiyalar bo‘yicha (27.12.2022 y., № 12) hamda Qishloq xo‘jaligi, veterinariya va oziq-ovqat tadqiqotlari bo‘yicha ekspert kengashlarining tavsiyasi (27.01.2023 y., № 1); O‘zbekiston Respublikasi OAK Rayosatining qarorlari (29.12.2022 y. № 330/5 va 31.01.2023 y № 332/5).
Jurnal sahifalarida O‘zbekiston va xorijiy mamlakatlar OTM va ITM larda tuproqshunoslik va agrokimyo yo‘nalishlarida tahsil olayotgan talaba yoshlar, magistrantlar, doktorantlar, professor-o‘qituvchilar va olimlarning ilmiy maqolalari, agrar sohaga oid yangiliklar va hodisalar, Prezident qarorlari va boshqa ko‘plab materiallar yoritib boriladi.
Nashrning har bir sonining elektron formati ham mavjud bo‘lib u institutning soil.uz saytidagi “ILMIY JURNAL” platformasining “Taxririyat” qismi va Institutning telegram kanallariga muntazam ravishda joylashtirib boriladi.
Endilikda Siz o‘z ilmiy tadqiqot ishlaringiz yuzasidan tayyorlagan ilmiy maqolalaringizni jurnaldagi “Tuproqshunoslik”, “Agrotuproqshunoslik”, “Agrokimyo”, “Tuproqlarning meliorativ holati va irrigatsiya”, “O‘simlikshunoslik”, “Mustaqillik qadamlari”, “Prezident qarorlari amalda” va boshqa ruknlari ostida ortiqcha ovvoragarchiliklarsiz chop ettirishingiz mumkin.
Eslatib o‘tamiz: Mualliflar maqolalarni uch tilda o‘zbek, rus yoki ingliz tillarida taqdim etishlari mumkin.
INSTITUT ILMIY-USLUBIY KENGASHINING NAVBATDAGI YIG‘ILISHI O‘TKAZILDI
- Tuproqshunoslik va agrokimyoviy tadqiqotlar instituti
- Yangiliklar
|
|
 |
Bugun Tuproqshunoslik va agrokimyoviy tadqiqotlar institutining majlislar zalida Ilmiy - uslubiy kengashning navbatdagi yig‘ilishi bo‘lib o‘tdi. Ushbu yig‘ilishni institut uslubiy kengash raisi biologiya fanlari doktori, professor Toshqo‘ziev Maruf Mansurovich olib bordi.
Yig‘ilishda Tuproqshunoslik va agrokimyoviy tadqiqotlar institutining uslubiy kengash a’zolari, ilmiy xodimlar va doktorantlar ishtirok etdi.
Mazkur yig‘ilish kun tartibiga ko‘ra, 2 nafar ilmiy xodimning 03.00.13 – «Tuproqshunoslik» ixtisosligi bo‘yicha falsafa doktori (PhD) ilmiy darajasini olish uchun taqdim etgan dissertatsiya ishlarining muhokamasiga bag‘ishlandi.
INSTITUT ILMIY-USLUBIY KENGASHINING NAVBATDAGI YIG‘ILISHI O‘TKAZILDI
- Tuproqshunoslik va agrokimyoviy tadqiqotlar instituti
- Yangiliklar
|
|
|
Bugun Tuproqshunoslik va agrokimyoviy tadqiqotlar institutining majlislar zalida Ilmiy - uslubiy kengashning navbatdagi yig‘ilishi bo‘lib o‘tdi. Ushbu yig‘ilishni institut uslubiy kengash raisi biologiya fanlari doktori, professor Toshqo‘ziyev Maruf Mansurovich olib bordi.
Yig‘ilishda Tuproqshunoslik va agrokimyoviy tadqiqotlar institutining uslubiy kengash a’zolari, ilmiy xodimlar va doktorantlar ishtirok etdi.
Mazkur yig‘ilish kun tartibiga ko‘ra, 3 nafar tayanch doktoranturani tugallagan ilmiy hodimlarning 2022 yil «Hisoboti» va 2023 yil «Ish rejasi» muhokamalari o‘tkazildi.