5 декабрь “Бутунжаҳон тупроқ куни”
- Tuproqshunoslik va agrokimyoviy tadqiqotlar instituti
- Yangiliklar
#ДИҚҚАТ_ЭЪЛОН
Ўзбекистон Республикаси қишлоқ вазирлиги ҳузуридаги
Тупроқшунослик ва агрокимёвий тадқиқотлар институти
“ТУПРОҚ УНУМДОРЛИГИНИ САҚЛАШДА РАҚАМЛИ ТЕХНОЛОГИЯЛАРНИ ҚЎЛЛАШ
ИСТИҚБОЛЛАРИ ВА МУАММОЛАРИ”
мавзусида республика илмий-амалий анжумани ташкил этилмоқда.
Мазкур анжуман Институт томонидан Ўзбекистон Республикаси Вазирлар Маҳкамасининг 7 март 2022 йилдаги 101Ф-сонли Фармойиши билан тасдиқланган “Ўзбекистон Республикасида 2022-йилда Халқаро ва Республика миқёсида ўтказиладиган илмий ва илмий-техник тадбирлар режаси”га мувофиқ 2022 йилнинг 5 декабрь “Бутунжаҳон тупроқ куни”га бағишлаб ўтказилиши режалаштирилган.
Анжуман йўналишларида:
-Қишлоқ хўжалиги ерлари тупроқларининг экологик-мелиоратив ҳолатини яхшилаш, унумдорлигини сақлаш ва ошириш;
-Деградацияга мойил тупроқлари сифатини яхшилаш ва улардан самарали фойдаланиш;
-Тупроқшуносликда рақамли технологиялардан фойдаланиш;
-Янги турдаги минерал, органик ва ноанъанавий ўғитларни интенсив деҳқончилик тизимларида самарали қўллаш истиқболлари;
-Тупроқларнинг физик, сув-физик, кимёвий, биологик хоссаларини мақбуллаштириш;
-Тупроқ унумдорлиги ва экинлар ҳосилдорлигини оширишнинг инновацион усуллари;
-Малакали кадрлар тайёрлаш, ишлаб чиқариш билан илм-фан ўртасидаги интеграция муаммолари – каби мавзуларда ёритилган илмий мақолаларни қабул қилади.
Мақолалар Адрес электронной почты защищен от спам-ботов. Для просмотра адреса в вашем браузере должен быть включен Javascript. электрон манзили орқали, анжуман материалларини шакллантиришга қўйилган талаблар асосида 2022 йилнинг 20 ноябригача қабул қилиниб, Институтнинг “Tuproqshunoslik va agrokimyo” илмий журналининг махсус сонида (бепул) нашр этилади.
Анжуман Инновацион ривожланиш вазирлиги биносининг 510-хонасида ўтказилади.
Қўшимча маълумотлар учун манзил: Тошкент вилояти Қибрай тумани “Ботаника” маҳалласи ЎзПИТИ кўчаси Пахта селекцяси, уруғчилиги ва етиштириш агротехнологиялари ИТИ биноси, анжуманнинг ташкилий қўмитаси (Нодиржон Абдурахмонов, Миразиз Мирсодиқов, Акбар Худойқулов); Телефонлар: +998 90 905 89 20; +998 93 524 07 85, +99 893-878-84-07.
Эълонлар ва бошқа қўшимча маълумотлар - Тупроқшунослик ва агрокимёвий тадқиқотлар институтининг Soil.uz Veb sayti (http://www.soil.uz), TATI Soil Telegram каналларида ёритилиб борилади.
Батафсил: ТАТИ АХБОРОТ ХАТИ
ИНСТИТУТ ҲУЗУРИДАГИ ИХТИСОСЛАШГАН ИЛМИЙ КЕНГАШНИНГ МАЖЛИСИ БЎЛИБ ЎТДИ
- Tuproqshunoslik va agrokimyoviy tadqiqotlar instituti
- Yangiliklar
ИНСТИТУТ ҲУЗУРИДАГИ ИХТИСОСЛАШГАН ИЛМИЙ КЕНГАШНИНГ МАЖЛИСИ БЎЛИБ ЎТДИ
Бугун Тупроқшунослик ва агрокимёвий тадқиқотлар институти ҳузуридаги DSc.25/30.12.2019.Qx/B.43.01 рақамли қишлоқ хўжалик ва биология фанлари бўйича фан доктори (DSc) ва фалсафа доктори (PhD) илмий даражаларини берувчи Илмий кенгашда Ғуламова Зилола Саттаровнанинг «Ангрен ҳавзаси эрозияланган суғориладиган типик бўз тупроқларининг биологик фаоллиги ва гумусли ҳолати» мавзусидаги 06.01.03-«Агротупроқшунослик ва агрофизика» ихтисослиги қишлоқ хўжалиги фанлари бўйича фалсафа доктори (PhD) илмий даражасини олиш учун тақдим этган диссертация ишининг ҳимояси бўлиб ўтди.
Йиғилишни Институт ҳузиридаги ихтисослашган Илмий кенгашни кенгаш раиси биология фанлари доктори Ш.М.Бобомуродов олиб борди.
Талабгор Илмий кенгаш аъзоларига олиб борган илмий тадқиқот ишининг долзарблиги, илмий-амалий аҳамияти, илмий янгилиги, хулосалари ва ишлаб чиқаришга тавсиялари билан кенгаш аъзоларини таништирди.
Шундан сўнг кенгаш аъзолари ва йиғилганлар томонидан диссертация юзасидан савол-жавоблар бўлиб ўтди. Муҳокамаларда Илмий кенгаш ва кенгаш аъзолари томонидан талабгорга таклиф, тавсиялар берилди.
Ушбу мажлисда Илмий кенгаш томонидан диссертантнинг илмий даража олиш учун тайёрлаган диссертация иши ҳимояси учун Ғуламова Зилола Саттаровнага фалсафа доктори (PhD) илмий даражасини беришга қарор қабул қилинди.
Илмий кенгаш мажлиси иши онлайн ва оффлайн шаклида бўлиб ўтди.
ҲАМКОРЛИК – МУВАФАҚҚИЯТЛАР ГАРОВИ!
- Tuproqshunoslik va agrokimyoviy tadqiqotlar instituti
- Yangiliklar
Бугунги кунда Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институти томонидан илм-фан ва тупроқшунослик соҳасида халқаро алоқаларни кенгайтиришга катта эътибор қаратилмоқда. Бундан кўзланган асосий мақсад, Институт фаолияти самарадорлигини янада ошириш, илғор хорижий тажрибаларни ўрганиш ва жорий этишдир.
Айнан шу мақсадда Институтда ҳалқаро хамкорлик учрашуви бўлиб ўтди. Ушбу учрашувда Институт директори, биология фанлари доктори Шуҳрат Бобомуродов, Германия Республикасининг нуфузли Ганновер Университети Тупроқшунослик институти директори, профессор, доктор Георг Гуггунбергер ҳамда қўшни Қозоғистон давлатининг У.У.Успанов номидаги Қозоғистон Тупроқшунослик ва агрокимё илмий-тадқиқот институти директори Раушан Рамазанова, Қишлоқ хўжалиги вазирлигининг Ерлар деградацияси, қурғоқчилик ва чўлланиш тўғрисидаги маълумотларни йиғиш, таҳлил қилиш ва ишлов бериш бошқармаси бошлиғи Саъдулла Зайнабиддинов ва бошқа юқори малакали тупроқшунос олимлар иштирок этди.
Мазкур учрашув уч томонлама ҳамкорлик қилиш масалаларига қаратилди. Шуни алоҳида эътироф этиш жоизки, Германия ва Қозоғистон мамлакатлари билан Ўзбекистон ўртасидаги ҳамкорлик кун сайин янги босқичда жадал тараққий этмоқда. Бу айниқса қишлоқ хўжалиги, энергетика, савдо-иқтисодий, инвестициявий, илмий-техникавий ва таълим соҳалардаги муносабатлар мустаҳкамланишида ёхуд уч давлат манфаатларига хизмат қиладиган лойиҳаларнинг ҳаётга изчил татбиқ этилишида ўз ифодасини топмоқда. Шу ўринда ушбу давлатларнинг қишлоқ хўжалиги тизимидаги тупроқшунослик соҳаси бўйича ҳам ўзига хос ривожланиш йўли ва илғор ютуқлари мавжуд.
Шунингдек, мазкур тадбирда ҳар уч давлат вакилларининг ҳозирги кундаги тупроқшунослик соҳасидаги энг долзарб мавзулар: – ХХI аср экологияси, дунёда рўй бераётган глобал иқлим ўзгариши, ерлар деградациясига қарши курашиш, биохилма-хилликни асраш, тупроқ унумдорлигини сақлаш, ерларни муҳофаза қилиш билан боғлиқ муаммоларга биргаликда ечим излаш, илмий ва амалий тажриба алмашиш асносида соҳадаги ёш олим ва мутахассисларни илмий салоҳиятини ошириш каби массалалар юзасидан самимий мулоқоти бўлиб ўтди.
Мулоқотлар якунида ҳар уч давлат тупроқшунос олим ва юқори малакали мутахассислари томонидан тез фурсатларда халқаро ҳамкорлик алоқаларини мустаҳкамлаш, ҳамкорликнинг серқирра истиқболлари бўйича меморандум тузишга келишиб олинди.
Бугун Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институтида БМТнинг Озиқ-овқат ва қишлоқ хўжалиги ташкилоти (ФАО) вакиллари билан учрашув бўлиб ўтди.
Мазкур учрашувда ФАОнинг CACILM-2 лойиҳаси бўйича мониторинг ва баҳолаш ишлари регионал мутахассиси Сарбони Каримзода ҳамда “Марказий Осиё ва Туркиянинг қурғоқчил ва шўрланган қишлоқ хўжалиги ишлаб чиқариш ландшафтларида табиий ресурсларни комплекс бошқариш” лойиҳаси миллий координатори Муҳаммаджон Қосимов, институт директори Шуҳрат Бобомуродов ва соҳа мутахассислари иштирок этишди.
Учрашувда ФАО билан ҳамкорликда бажарилган соҳага оид умумий ишлар муҳокама қилинди.
Шунингдек, ушбу учрашувда келгусида ҳамкорликдаги янги бажарилиши мумкин бўлган лойиҳалар бўйича фикр алмашилди.
БУХОРОДА СЕМИНАР-ТРЕНИНГ ИШИ ДАВОМ ЭТМОҚДА
- Tuproqshunoslik va agrokimyoviy tadqiqotlar instituti
- Yangiliklar
Айни пайтда Бухоро вилоятида «Марказий Осиё ва Туркиянинг қурғоқчил ва шўрланган қишлоқ хўжалиги ишлаб чиқариш ландшафтларида табиий ресурсларни комплекс бошқариш» лойиҳаси доирасида ҳамкор ташкилот вакиллари иштирокида «Гендер стратегиясини ишлаб чиқиш» мавзусига бағишланган семинар-тренинг иши бўлиб ўтмоқда.
Ушбу тадбирдан кўзланган асосий мақсад – Ўзбекистон Республикаси Қишлоқ хўжалиги вазирлигининг 2030 йилгача бўлган Гендер тенглиги стратегиясига мувофиқ ФАО ҳамкор ташкилотларида гендер тенглигини таъминлаш бўйича стратегик режани ишлаб чиқишдан иборатдир.
Мазкур ўқув семинарида ФАО томонидан амалга оширилаётган CACILM-2 лойиҳаси доирасида ҳамкор ташкилот вакиллари ва ташкилотлардан 2-3 нафар ходимлар иштирок этишмоқда. Шу жумладан, Тупроқшунослик ва агрокимёвий тадқиқотлар институти «Тупроқлар биогеокимёси, кимёвий ва физик-кимёвий ҳолатини мақбуллаштириш» бўлим мудири Т.Бердиев, Инстиут илмий ходимларидан С.Пирманова, М.Кўчимовалар ҳам фаол иштирок этишмоқда.
Бугун ФАОнинг Ўзбекистондаги ваколатхонаси томонидан ўтказилаётган ушбу семинар-тренинг иши ўз якунига етади.