📌Toshkentda oʻtkazilayotgan Oʻzbekiston–Niderlandiya qishloq xoʻjaligi hamkorligiga bagʻishlangan simpozium doirasida qator B2B uchrashuvlari tashkil etildi.
🤝 Unda Niderlandiyadan tashrif buyurgan 20 dan ortiq yetakchi kompaniya vakillari ishtirok etib, mahalliy biznes subyektlari hamda ilmiy-tadqiqot institutlari bilan toʻgʻridan-toʻgʻri muzokaralar olib bordi.
🟧 Uchrashuvlarda issiqxonachilik va urugʻchilik yoʻnalishlari asosiy mavzu boʻldi. Tomonlar energiya tejamkor issiqxonalar, sifatli urugʻlik materiallari, seleksiya hamda sertifikatlash tizimini takomillashtirish yuzasidan takliflar bildirdi.
📦 Shuningdek, mahsulotni yetishtirish, qayta ishlash va eksportga chiqarish zanjirini rivojlantirish masalalari muhokama qilindi.
🚀 Muloqotlar davomida tajriba almashish, innovatsion yechimlar, qoʻshma loyihalar hamda investitsiyalarni jalb qilish boʻyicha kelishuvlarga erishildi.
🔬 Mutaxassislar ilm-fan va ishlab chiqarish integratsiyasi, zamonaviy texnologiyalarni joriy etish, hosildorlik va samaradorlikni oshirish muhimligini taʼkidladi.
🌍 Qayd etilishicha, B2B uchrashuvlari mahalliy tadbirkorlar uchun xalqaro hamkorlar bilan bevosita aloqalar, yangi bozorlar va innovatsiyalar bilan tanishish imkonini yaratdi.
Manba: Telegram kanali · QISHLOQ XOʻJALIGI VAZIRLIGI