Аввал хабар берганимиздек, Қишлоқ хўжалиги вазирлиги томонидан ташкиллаштирилган бир гуруҳ қишлоқ хўжалиги олимлари бугун Хоразим вилояти Янгиариқ туманида ҳам семинар ўтказишди.Семинарда Қишлоқ хўжалиги вазирининг биринчи ўринбосари Ш.Ж.Тешаев ва туман ҳокими ҳам бевосита иштирок этишди.
Семинарда Республиканинг барча илмий тадқиқот институти олимлари ўз соҳаларидан келиб чиққан ҳолда йиғилиш қатнашчиларига ҳудуддаги барча экин майдонлари ва аҳоли томорқа ерларидан самарали фойдаланиш ва энг муҳими юқори ҳосилдорликка эришиш учун нималарга эътибор бериш зарурлиги бўйича батафсил маълумотлар ҳамда малакали тавсиялар беришдилар.
Шунингдек, семинар иштирокчилари ижтимоий масофани сақлаган ҳолда тақдимотлар сўнгида даладаги амалий ишлари бўйича ўзларини қизиқтирган саволларга мутахассислардан жавоб олдилар.
Тадбир доирасида оммавий ахборот воситалари ва матбуот хизмати вакиллари ҳам иштирок этишдилар. Республика олимларидан иборат ишчи гуруҳ иши эса бутун республика бўйлаб давом этади.