СЕМИНАР ДАВОМ ЭТМОҚДА

Звезда не активнаЗвезда не активнаЗвезда не активнаЗвезда не активнаЗвезда не активна
 

 

      Барчамизга маълумки, шу кунларда Республикамиз ҳудудларида Қишлоқ хўжалиги вазирлиги томонидан жорий йил ҳосили учун сайёр семинар тадбирлари ўтказилмоқда. Олимларимиз бугун ҳам Бухоро вилоятининг Пешку, Шофиркон ва Ғиждувон туманларига ташриф буюрдилар. Уларни ушбу туманлардаги мутасадди раҳбарлар шунингдек қишлоқ хўжалигининг барча тармоқ эгалари деҳқон фермерлар, кластерлар ва бошқа томорқа ерларидан фойдаланувчилар илиқ кутиб олдилар.
     A12A11

      Семинарда бир гуруҳ олимларимиз сўзга чиқиб ўз соҳаси доирасида йиғилиш қатнашчиларига батафсил маълумотлар бердилар. Шу жумладан Тупроқшунослик ва агрокимё институти директори, биология фанлари доктори, катта илмий ходим, Шуҳрат Меҳрибонович Бобомуродов ҳам иштирок этиб маъруза қилди. У ўз маърузасида Бухоро воҳаси тупроқлари ва уларнинг хоссалари бўйича батафсил маълумотлар берди. Шунингдек илмий-тадқиқот институтимиз томонидан бажарилган агрокимёвий хариталар тўғрисида алоҳида тўхталиб, агрокимёвий хариталар асосида ўғитларни табақалаштириб қўллаш бўйича аниқ тавсиялар берди. Шу билан бирга Бухоро вилояти тупроқлари 86 фоиз турли даражада шўрланганлигини инобатга олиб шўр ювиш ишларининг муддатлари ва меъёрлари ҳақида ўз фикр-мулоҳазаларини билдирди. Яна шуни алоҳида таъкидлаш жоизки – деди, У ўз нутқи давомида – Бухоро воҳасининг энг асосий масаласи қумли чўл тупроқларининг шамол таъсирида эрозияга учраганлиги, уларнинг олдини олиш,чора тадбирлари ер унумдорлигини ошириш хусусида ҳам бажарилиши лозим бўлган аниқ таклиф ва тафсияларини айтиб ўтди.

A13A13

        Шунингдек мазкур йиғилишларда институтимиз “Тупроқ физикаси ва техналогияси” бўлими бошлиғи, биология фанлари фалсафа доктори, катта илмий ходим Ў.Т.Собитов ҳамда “Тупроқ унумдорлигини бошқариш ва баҳолаш бўлими”, катта илмий ходими, биология фанлари фалсафа доктори А.Х.Қораевлар ҳам иштирок этдилар. Улар сўзга чиқиб айнан шу туманлар ерларининг хосса ва хусусиятлари, ердан унумли ва тўғри фойдаланиш йўллари тўғрисида маъруза қилдилар. Шунингдек йиғилиш иштирокчиларининг қизиқтирган саволларига жавоблар бердилар. Йиғилишлар ўз навбатида қизғин баҳс-мунозараларга бой ва кўтаринки руҳда бўлиб ўтди.
Республика олимларидан иборат ишчи гуруҳ иши эса бутун мамлакатимиз бўйлаб давом этади.

© 2024 Институт почвоведения и агрохимических исследований