📍2026-yil 20–22-oktabr kunlari Xitoyning Dunyin (Dongying) shahrida “Xalqaro shoʻrlangan yerlarda dehqonchilik konferensiyasi” (ICSA 2026) boʻlib oʻtdi.
🔴Xalqaro anjumanda Tuproqshunoslik va agrokimyoviy tadqiqotlar instituti vakillari Zafar Baxodirov, Aliyor Qorayev hamda institutning Qashqadaryo filiali direktori Hikmatullo Boʻriyev ishtirok etdi.
✅Zafar Baxodirov “Oʻzbekistonda sugʻoriladigan dehqonchilikda tuproq shoʻrlanishini kompleks boshqarish” mavzusida maʼruza qildi. Unda tuproq shoʻrlanishi muammolari, ilmiy tadqiqotlar natijalari va zamonaviy monitoring texnologiyalari yoritildi.
🤝 Konferensiya doirasida Xitoy qishloq xoʻjaligi fanlari akademiyasi (CAAS) va boshqa xorijiy ilmiy tashkilotlar vakillari bilan uchrashuvlar oʻtkazilib, qoʻshma tadqiqotlar va tajriba almashish istiqbollari muhokama qilindi.
📌Shuningdek, delegatsiya xalqaro davra suhbati va shoʻrlangan yerlardan kompleks foydalanish boʻyicha Xitoyning ilgʻor ilmiy-texnologik ishlanmalari bilan tanishish tadbirlarida qatnashdi.
✅Ushbu tashrif Oʻzbekiston olimlarining xalqaro ilmiy hamkorligini kengaytirish, ilgʻor tajribalarni oʻrganish hamda shoʻrlangan yerlardan samarali foydalanishga qaratilgan innovatsion yechimlarni mamlakatimizda qoʻllash uchun muhim ahamiyat kasb etdi.
Manba: Telegram kanali