Bu video Telegram platformasida joylashgan
Qayerda ochishni tanlang:
🌍Tuproq salomatligi, barqaror qishloq xoʻjaligi va quruq hududlarni tiklash yoʻlida xalqaro hamkorlik
🔴Bugun Oʻzbekiston Milliy universiteti Biologiya va ekologiya fakultetida Polsha delegatsiyasi ishtirokida “Yashil himoya oʻrmonzorlari, tuproq salomatligi, quruq hududlarni tiklash va tabiatga asoslangan yechimlar: «Horizon Europe MSCA Staff Exchanges loyihasi sari»” mavzusida xalqaro seminar boʻlib oʻtdi.
➡️Seminar Oʻzbekiston va Polsha olimlari oʻrtasida tuproqshunoslik, ekologik barqarorlik, qishloq xoʻjaligi va quruq hududlarni tiklash sohalarida tajriba almashish hamda yangi ilmiy hamkorlik yoʻnalishlarini belgilash uchun muhim muloqot maydoni boʻldi.
✅Taʼkidlash joizki, Polsha delegatsiyasi bir kun avval Tuproqshunoslik va agrokimyoviy tadqiqotlar instituti faoliyati bilan tanishib, uning ilmiy salohiyati, laboratoriyalari va asosiy tadqiqot yoʻnalishlari haqida maʼlumot oldi.
☄️Seminar doirasida professor Małgorzata Suska-Malawska tomonidan Horizon Europe MSCA Staff Exchanges loyihasining dastlabki konsepsiyasi, maqsad va vazifalari hamda xalqaro hamkorlik uchun yaratadigan imkoniyatlari taqdim etildi.
🔵Shuningdek, qishloq xoʻjaligi tizimi tashkilotlari vakillari tomonidan tuproq unumdorligini saqlash va oshirish, yer resurslaridan samarali foydalanish, yerlarni muhofaza qilish hamda sohadagi dolzarb masalalarga bagʻishlangan taqdimotlar oʻtkazildi.
🟢Seminarda tuproq salomatligi, yashil himoya oʻrmonzorlari, degradatsiyaga uchragan hududlarni tiklash, tabiatga asoslangan yechimlar va iqlim oʻzgarishining qishloq xoʻjaligiga taʼsiri kabi muhim masalalar muhokama qilindi.
✅Mazkur seminar Oʻzbekistonning xalqaro ilmiy hamkorlik salohiyatini kengaytirish, qoʻshma tadqiqotlarni rivojlantirish va Horizon Europe MSCA Staff Exchanges dasturi doirasida yangi loyihalarni shakllantirish yoʻlidagi muhim qadam boʻldi.
✅Telegram: TATI Soil
Manba: Telegram kanali