Ўзбекистон Республикаси Президенти ҳузуридаги пахтачилик кенгашининг жорий йил 8 август куни ўтказилган йиғилишининг 12-сонли баённомаси 4-бандида кўрсатилган топшириқлар ижросини таъминлаш мақсадида Кластер, фермер хўжаликлари раҳбарлари ва агрономлари учун пахта майдонларида тупроқ намуналарини олиш, таҳлил қилиш ҳамда олинган натижалар асосида, минерал ва органик ўғитларни илмий асосланган ҳолда қўллаш бўйича 29 август куни Тошкент вилояти Қуйичирчиқ туманида амалий ўқув семинар ташкил этилди.
Семинар йиғилишида Тупроқшунослик ва агрокимёвий тадқиқотлар институти олимлари қ.х.ф.н., катта илмий ходим Боиров Абдунаби Жўраевич, б.ф.ф.д., Мансуров Шерали Сиддиқович, Тошкент вилояти инновация бошқармаси бошлиғи Юсупов Қудратжон Мухаммадқодирович ҳамда Қуйичирчиқ туманидаги TST AGRO KLUSTER директори ўринбосари Арабов Саидқул Амирович ҳамда пахта тўқимачилик кластери маъсуллари иштрок этишди. Йиғилишда институт олимлари томонидан, минерал ва органик ўғитларни илмий асосланган ҳолда қўллаш бўйича керакли тавсиялар бериб ўтилди.