 |
 |
 |
 |
Xabaringiz bor, har yili dunyo bo‘ylab 5-dekabr “Butunjahon tuproq kuni” keng nishonlanadi. Chunki, tuproq resurslari inson hayotida, davlat farovonligida, shuningdek, sayyora ekotizimining barqarorligini ta’minlashda o‘rni beqiyos.
Joriy yilning 4-dekabr sanasida Tuproqshunoslik va agrokimyoviy tadqiqotlar instituti binosida “TUPROQSHUNOSLIKNING TRANSCHEGARAVIY MUAMMOLARI VA ULAR YECHIMINING INNOVATSION USULLARI” mavzusidagi xalqaro ilmiy amaliy anjuman o‘tkazildi.
 |
 |
 |
Yuqori saviyada o‘tkazilgan mazkur anjumanda O‘zbekiston Respublikasi Oliy Majlisining Senati va Qonunchilik palatasi, tegishli vazirlik va idoralar vakillari tashrif buyurishdi.
Ishtirokchilar anjuman boshlanishidan oldin institutda yaratilgan shart-sharoitlar bilan yaqindan tanishishdi.
Onlayn va offlayn shaklida tashkillashtirilgan anjumanda respublikamiz bo‘ylab 20 dan ortiq oliy talim muassasalari hamda tegishli tashkilotlardagi hududiy studiyalaridan jami 300 dan ortiq va 10 ga yaqin xorijiy davlatlarda qishloq va suv xo‘jaligi bo‘yicha soha olimlari, xalqaro tashkilotlar va institutlar vakillari hamda yuqori malakali mutaxassislari ishtirok etishdi.
 |
 |
 |
Tuproqlar - yerdagi hayotning asosidir.
Mamlakatimizda mazkur anjumanni o‘tkazishdan maqsad — tuproqshunoslik sohasida olimlar tomonidan bajarilgan ishlar, tadqiqot natijalari, tuproqlarni asrab-avaylash muhimligini anglash, tuproq resurslarining inson farovonligini oshirishdagi ahamiyatini eslatish, ekotizimlarni saqlash, xabardorlikni oshirish hamda keyingi qadamlar yuzasidan aniq va batafsil ma’lumotlar olishdan iborat.
Anjumanda so‘zga chiqanlar 5-dekabr “Butunjahon tuproq kuni” bilan soha xodimlarini samimiy qutladilar. Shuningdek tadbir dasturiga ko‘ra mavzu doirasida taqdimotlar o‘tkazildi. Taqdimotlarda hozirgi kunda yerlarning holatini yaxshilashga, tuproq unumdorligini oshirishga davlat siyosati darajasida e’tibor berilayotgani, O‘zbekiston sharoitida tuproq unumdorligini muhofaza qilishning huquqiy muammolarini o‘rganish, ularning yechimini topishda chuqur ilmiy-nazariy mushohadaga asoslangan takliflar ishlab chiqish, xulosalar berish, shu bilan birga tuproq unumdorligini saqlab qolish va oshirish masalasi tobora o‘tkir muammoga aylanib borayotgani, ularni oldini olish uchun birgalikda, hamkorlikda kurashishimiz zarurligi, halqaro hamkorlik masalalariga ham alohida to'xtalib o'tildi.
Mazkur anjuman ishini instituti direktori, biologiya fanlari doktori Shuxrat Bobomurodov olib bordi.