СЕРТИФИКАТ ТОПШИРИЛДИ
Республика Инновацион ривожланиш вазирлигида жорий йилнинг 28 февраль куни бажарилган лойиҳаларнинг муҳим натижалари – янги илмий ишланмалар кўргазмасининг очилиш маросими бўлиб ўтди. Инновацион ривожланиш вазири И.Абдурахмонов илмий лойиҳалар танловлари натижаларига кўра ғолиб чиққан лойиҳалар раҳбарларига сертификатлар топширди.
Маскур тадбирда Тупроқшунослик ва агрокимё илмий-тадқиқот институти «Тупроқлар генезиси, географияси, картографияси ва мониторинги бўлими» бўлим мудири, биология фанлари номзоди, лойиҳа раҳбари Исмонов Абдувахоб Жураевичга «Геоахборот технологиялари асосида Орол денгизи қуриган тубида деградацияга учраган тупроқларнинг экологик-мелиоратив ҳолатига оид ўрта масштабли тупроқ картасини яратиш» мавзуси бўйича умумий молиялаштириш ҳажми 2 993 979 100 сўм миқдоридаги ғолиблик сертификати топширилди.
Ҳозирда ушбу илмий амалий лойиҳа иши молиялаштирилиб, амалий ишлар бошлаб юборилган.
ХУШХАБАР!
Бугунги кунда мамлакатимиз бир нечта хорижий давлат ташкилотлари билан мумтазам равишда ҳалқаро ҳамкорликни йўлга қўйиб келмоқда. Ана шу ташкилотлардан бири «Ҳалқаро Стандартлаштириш Ташкилоти» (ISO) ҳисобланади. Ўзбекистон ҳам ушбу ташкилотга Европа ва Ўрта Осиё мамлакатлари сингари аъзо давлат саналади.
ISO ташкилоти - Стандартлаштириш соҳасидаги ислоҳотлар, ҳалқаро ISO стандартларни жорий этиш ва стандартлаштириш соҳаларини ривожлантиришга қаратилган муҳим вазифаларни амалга оширади.
Ушбу ташкилот мамлакатимизда ISO стандартларини жорий этиш орқали сифат инфратузилмасини яратиш, ишлаб чиқарилаётган маҳсулотларнинг жаҳон бозорида салоҳиятини ошириш, инновацияларни жорий этиш ва маҳаллий маҳсулотлар сифатини ошириш учун кенг имкониятларни яратилишида асос бўлиб хизмат қилади.
Шу кунларда «Ўзстандарт» агентлиги томонидан Тупроқшунослик ва агрокимё илмий-тадқиқот институти «Аналитик синов лабораторияси» бўлимидан қишлоқ хўжалиги фанлари номзоди, катта илмий ходими А.Ж.Боиров ҳамда қишлоқ хўжалиги фанлари бўйича фалсафа доктори (PhD) Х.Т.Нуриддиновалар ISO «Халқаро стандартлаштириш ташкилоти»нинг «ISO/TC 190 Soil quality – Тупроқ сифати» техник қўмитасига кузатувчи аъзолари сифатида қабул қилинди.
Инновацион ривожланиш вазирлигида жорий йилнинг 28 февраль куни бажарилган лойиҳаларнинг муҳим натижалари – янги илмий ишланмалар кўргазмасининг очилиш маросими бўлиб ўтди. Инновацион ривожланиш вазири И.Абдурахмонов илмий лойиҳалар танловлари натижаларига кўра ғолиб чиққан лойиҳалар раҳбарларига сертификатлар топширди.
Маскур тадбирда Тупроқшунослик ва агрокимё илмий-тадқиқот институти «Тупроқлар генезиси, географияси, картографияси ва мониторинги бўлими» бўлим мудири, биология фанлари номзоди, лойиҳа раҳбари Исмонов Абдувахоб Жураевичга «Геоахборот технологиялари асосида Орол денгизи қуриган тубида деградацияга учраган тупроқларнинг экологик-мелиоратив ҳолатига оид ўрта масштабли тупроқ картасини яратиш» мавзуси бўйича умумий молиялаштириш ҳажми 2 993 979 100 сўм миқдоридаги ғолиблик сертификати топширилди.
Ҳозирда ушбу илмий амалий лойиҳа иши молиялаштирилиб, амалий ишлар бошлаб юборилган.
Халқимизда «Сен ерни боқсанг, ер сени боқади», - деган пурмаъно мақол бор. Ҳақиқатан ҳам шундай. Ерга меҳр берсак, чин юракдан ишлов бериб, қарасак, у бизни боқоди, ҳам кийинтиради, ҳам оиламизга қўшимча даромад келтириш орқали ҳаётимизни янада яхшилашга хизмат қилади.
Бугунги кунда мамлакатимизда иқтисодиётнинг энг муҳим тармоқларидан бўлган қишлоқ хўжалиги соҳасига алоҳида эътибор қаратилиб келинмоқда. Шу жумладан давлатимиз раҳбарининг жорий йилнинг 22-24-февраль кунлари Қорақалпоғистон Республикасига ташрифи давомида қишлоқ хўжалиги масалаларига оид ва соҳа ривожига қаратилган қатор долзарб вазифаларни белгилаб, тармоқнинг мутасадди раҳбарларига зарурий топшириқларни берди.
Айни кунларда ушбу топшириқларга мувофиқ, Қишлоқ хўжалиги вазирлиги томонидан бир қатор амалий чора-тадбирлар режаси ишлаб чиқилиб амалиётга босқичма-босқич тадбиқ этилмоқда. Ушбу жараёнларга «Қишлоқ хўжалигида билим ва инновациялар миллий маркази» тизимидаги барча илмий-тадқиқот институтлари шу жумладан, Тупрқшунослик ва агрокимё илмий тадқиқот институти ҳам жалб этилди.
Мавжуд ер майдонларидан унумли ва самарали фойдаланиш давр тақозаси. Шуни инобатга олган ҳолда бир гуруҳ соҳа олимларига кўп йиллар давомида фойдаланишдан чиқиб кетган Қорақалпоғистон деҳқончилик илмий-тадқиқот институтининг 435 гектар кучли шўрланган, мелиоратив ҳолати оғир ва ташландиқ ер майдонларини унумдорлигини тиклаш, қишлоқ хўжалиги ерларини ўзлаштириш ва қисқа фурсатларда фойдаланишга қайта киритиш биринчи галдаги вазифа этиб белгилаб берилди. Шу мақсадда, Тупроқшунослик ва агрокимё илмий-тадқиқот институти директори Ш. Бобомуродов, «Тупроқлар биогеокимёси ва минералогияси» бўлими бошлиғи Т. Бердиев, катта илмий ходим С. Очиловлар ҳудудда институт учун ажратилган ер майдонларини белгилаб олиш ва амалга ошириладиган ишларни бажариш юзасидан Қорқалпоғистон Республикаси Чимбой туманига ташриф буюрдилар.
Шу кунларда олимларимиз аввало институтимиз учун ажратилган 41 гектар ер майдони тупроқларининг хосса-хусусиятларини, милиоратив ҳолатини ўрганиш, ер майдонларида шўр ювиш ва экишга тайёрлаш ишларини амалга оширишмоқда. Шунингдек мавжуд коллектор-дренаж тизимлари, суғориш иншоотларининг бугунги кундаги ҳолати ҳам ўрганилиб чиқилмоқда.
Хулоса ўрнида шуни айтиб ўтиш жоизки, Тупроқшунослик илмий тадқиқот институти олимларининг бу каби амалий ишлари тизимли давом этишилиши назарда тутилган. Зеро, мавжуд ер майдонларидан оқилона, унумли ва самарали фойдаланишни йўлга қўйган давлат файзу- барокатли, фаровон, халқи тўқ бўлади.