AFG‘ONISTONGA MOBIL LABORATORIYA TORSHIRILDI
- Tuproqshunoslik va agrokimyoviy tadqiqotlar instituti
- Yangiliklar
AFG‘ONISTONGA MOBIL LABORATORIYA TORSHIRILDI
O‘zbek va afg‘on xalqlarini yaqin qo‘shnichilik va azaliy do‘stlik rishtalari o‘zaro bog‘lab turadi. Bugungi kunda Afg‘oniston bilan barcha sohalarda o‘zaro manfaatli sheriklikni mustahkamlash, hamkorlikni rivojlantirish bo‘yicha O‘zbekiston tomonidan keng qamrovli sa’y-harakatlar amalga oshirilmoqda. Jumladan qishloq xo‘jaligi sohasida amalda bajarilayotgan ishlar ko‘lami ham bunga yaqqol misol bo‘laoladi.
O‘zbekiston Qishloq xo‘jaligi vazirligining Afg‘oniston qishloq xo‘jaligi, irrigatsiya va chorvachilik vazirligi bilan ham qishloq xo‘jaligi ekinlari urug‘chiligi, don va dukkakli ekinlarni yetishtirish, tuproqshunoslik, chorvachilik yo‘nalishlarida hamkorligi tomonlarning o‘zaro manfaatlari uchun xizmat qilmoqda.
O‘zbekiston va Afg‘oniston hukumati rahbarlari kelishuviga asosan Qishloq xo‘jaligi vazirligi mutasaddi rahbarlari Tuproqshunoslik va agrokimyoviy tadqiqotlar instituti olimlari tomonidan tuproq tahlillarini olib borishga ixtisoslashgan va barcha zaruriy uskunalar bilan jihozlangan mobil laboratoriya Hayraton postida Afg‘oniston tomoniga taqdim etildi.
Tomonlarning kelishuviga ko‘ra, mobil laboratoriya Kobulga yetkazilgandan so‘ng mamlakatimizning tuproqshunos olimlari tomonidan afg‘onistonlik tuproqshunos izlanuvchilar uchun 3 kunlik seminar-treninglar o‘tkaziladi.
IXTISOSLASHGAN ILMIY KENGASHNING MAJLISI BO‘LIB O‘TDI
- Tuproqshunoslik va agrokimyoviy tadqiqotlar instituti
- Yangiliklar
IXTISOSLASHGAN ILMIY KENGASHNING MAJLISI BO‘LIB O‘TDI
🟢Bugun Tuproqshunoslik va agrokimyoviy tadqiqotlar instituti huzuridagi DSc.25/30.12.2019.Qx/B.43.01 raqamli qishloq xo‘jalik va biologiya fanlari bo‘yicha fan doktori (DSc) va falsafa doktori (PhD) ilmiy darajalarini beruvchi Ilmiy Kengashning navbatdagi yig‘ilishi bo‘lib o‘tdi.
Yig‘ilishni Institut huziridagi ixtisoslashgan Ilmiy kengashni kengash raisi biologiya fanlari doktori Sh. Bobomurodov olib bordi.
🔴Majlis kun tartibiga ko‘ra, Xoldarov Davronbek Madaminovichning “Farg‘ona vodiysi sho‘rlangan tuproqlari biogeokimyosi va ulardan foydalanish yo‘llari” mavzusidagi 03.00.13 – “Tuproqshunoslik” ixtisosligi bo‘yicha fan doktori (DSc) ilmiy darajasini olish uchun taqdim etgan dissertatsiya ishi himoyasiga bagishlandi.
Talabgor olib borgan ilmiy tadqiqot ishining dolzarbligi, ilmiy-amaliy ahamiyati, ilmiy yangiligi, xulosalari va ishlab chiqarishga tavsiyalari bilan kengash a’zolarini tanishtirdi.
Kengash a’zolari tomonidan dissertasiya yuzasidan savol-javoblar bo‘lib o‘tdi. Muhokamalarda Ilmiy kengash tomonidan Davronbek Xoldarovning tayyorlagan dissertatsiya ishi OAK talablariga to‘liq javob berishi ma’qulandi.
O‘zbekiston va Yaponiya davlatlari o‘rtasida hamkorlik qilinishi mumkin bo‘lgan ko‘p imkoniyatlar mavjud. Shular jumlasidan qishloq xo‘jaligi sohasida ham. Faqatgina ularni ishga sola bilsakkina manfaatlar yuzaga keladi.
Bugun Yaponiyaning Tsukuba Universiteti professori Maki Asano boshchiligidagi bir guruh mutaxassislar Tuproqshunoslik va agrokimyoviy tadqiqotlar institutida bo‘lishdi.
Institut direktori Shuhrat Bobomurodov bilan bo‘lib o‘tgan uchrashuvda Yaponyaliklar tomonidan ilgari surilgan “Qurg‘oqchil yerlarda tuproqning mikroplastik ifloslanishi va uning tuproq tuzilishiga ta’siri” halqaro hamkorlik loyihasi xususida bo‘ldi.
🔗Yaponiya tarafidan bu yo‘nalishda O‘zbekiston tuproqlarida hamkorlikda tadqiqot ishlarini yuritishda hamkorlik aloqalarini rivojlantirish, tadqiqot hududini belgilash, tuproq haqidagi ma’lumotlar almashinuvini yo‘lga qo‘yish, sohada ilg‘or ilmiy yechimlarni hisobga olgan holda o‘z taklif va tavsiyalarini berish, yangi ilmiy va texnologik yutuqlarni amaliyotga tatbiq etishdan iborat bo‘ldi.
Uchrashuv yakunida loyiha doirasida har ikki tomon joriy yilning may oyidan boshlab hamkorlikda tuproq tadqiqotlarini olib borishga kelishib olindi.
Tuproqshunoslik va agrokimyoviy tadqiqotlar institut Ilmiy kengashining navbatdagi yig‘ilishi o‘tkaziladi.
- Tuproqshunoslik va agrokimyoviy tadqiqotlar instituti
- Yangiliklar
 |
 |
 |
|
ILMIY KENGASH SEMINARI
Yig‘ilishni institut direktori, biologiya fanlari doktori Shuhrat Bobomurodov olib bordi.
🌟Yig‘ilish kun tartibida dastlab Tuproqlar biogeokimyosi, kimyoviy va fizik-kimyoviy holatini maqbullashtirish bo‘limi mudiri Tolib Berdiyev O‘zbekiston Respublikasi Prezidentining 13.02.2024 yildagi PQ-71-son qarori va Vazirlar Mahkamasining 21.02.2024 yildagi 97-son qarori ijrosini ta’minlash maqsadida institut hamda Fanlar akademiyasi Umumiy va noorganik kimyo instituti xodimlari tomonidan tayyorlangan
“Tadbirkorlar tomonidan tayyorlanayotgan gumusli organik o‘g‘itlarni sifat va miqdoriy ko‘rsatkichlariga qo‘yiladigan talablar bo‘yicha vaqtinchalik reglament”;
“Gumusga boy oddiy superfosat o‘g‘itini sifat va miqdoriy ko‘rsatkichlariga qo‘yiladigan talablar bo‘yicha vaqtinchalik reglament”;
Shuningdek “Qoramol go‘ngi, kelib chiqishi o‘simliklarga oid organik resurslar asosida tayyorlangan gumusli organik o‘g‘itlarni sifat va miqdoriy ko‘rsatkichlariga qo‘yiladigan talablar bo‘yicha xulosa”lari bo‘yicha taqdimotlari bilan yig‘ilish ishtirokchilarini batafsil tanishtirdi.
💬Olimlar tomonidan tayyorlangan har bir vaqtinchalik reglamentlar bo‘yicha bildirilgan fikr-mulohazalar va qizg‘in savol-javoblar kelgusida tuproqni unumdor bo‘lishini va ko‘plab muammolarning oldini olishni ta’minlaydi.
🌟Ilmiy kengashi tomonidan kun tartibidagi ikkinchi masala bo‘yicha institut ilmiy kotibi Miraziz Mirsodikov O‘zbekiston Respublikasi Vazirlar Mahkamasining 2019 yil 24 dekabrdagi 1030-son qarori hamda 2023 yil 3 iyundagi 228-sonli qarori bilan yangi tahrir qilingan “Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga qo‘shimcha haq to‘lash tartibi to‘g‘risida Nizom”da belgilangan mezon talablarini bajargan institut xodimlariga lavozim maoshiga har oylik va bir martalik qo‘shimcha haq to‘lanishi bo‘yicha institut faoliyati bilan bog‘liq masalalar yuzasidan axboroti tinglandi.
🌟Kun tartibidagi navbatdagi masala bo‘yicha Ilmiy ishlab-chiqarish bo‘limi boshlig‘i Umidbek Niyazmetovning institutning xo‘jalik shartnomalarini tuzish va amalga oshirish bo‘yicha 2025 yil uchun kalkulyatsiyasi haqidagi taqdimoti bo‘ldi.
⚡️Taqdimot yakunida Ilmiy kengash a’zolari tomonidan ushbu masala yuzasidan respublika miqiyosida sifatli tuproq xizmatlarini ko‘rsatish, yer egalariga tuproq tahlil natijalari va xulosalarini o‘z vaqtida taqdim etish, tuproqning holatini o‘rganish uchun ketadigan sarf-xarajatlar bo‘yicha fikr-mulohazalar bildirilib, takliflar berildi.
   |
☄️Shu kunlarda Tuproqshunoslik va agrokimyoviy tadqiqotlar instituti olimlari tomonidan sinov tariqasida belgilangan hududlarda O‘zbekiston Respublikasi Vazirlar Mahkamasining 2024 yil 20-fevraldagi 97-son qarori hamda Qishloq xo‘jaligi vazirining 2024 yil 23-dekabrdagi 302-son buyrug‘ining tegishli bandlari ijrosi ta’minlanmoqda.
👉Kuni kecha Namangan viloyati Pop tumanida o‘quv seminar yig‘ilishi o‘tkazildi.
✔️Seminar yig‘ilishida tuman bo‘yicha davlat budjeti hisobidan subsidiya ajratilgan barcha yerdan foydalanuvchilar ishtirok etishdi.
🌟Olimlar tomonidan respublikamizda ishlab chiqarilayotgan biogumusli o‘g‘itlarni qo‘llash va ajratilgan mablag‘lardan belgilangan maqsadda foydalanish bo‘yicha tushuntirishlar berildi.
⚡️Seminar yakunida fermer xo‘jaliklari rahbarlarini qiziqtirgan savollariga mutaxassislar tomonidan javoblar berildi.