Institut yangiliklari

  Шу кунларда республикамизда қишлоқ хўжалиги ерларидан унумли фойдаланиш, унумдор ерларни муҳофаза қилишга доир кенг кўламли ишлар олиб борилмоқда. Жойларда ҳукуматимиз томонидан қишлоқ хўжалиги тизими бўйича ишлаб чиқилган тегишли қарор ва фармонлар ижроси таъминланмоқда.

  Бугун Бухоро вилояти Вобкент туманида бўлиб ўтган семинар ишида Президентимиз томонидан жорий йилнинг 10 июндаги ПҚ-277 рақамли «Ерлар деградациясига қарши курашишнинг самарали тизимини яратиш чора-тадбирлари тўғрисида»ги қарорининг мазмун моҳиятини тушунтириш ишларидан иборат бўлди.

  Ушбу ўқув-семнар йиғилишида Тупроқшунослик ва агрокимёвий тадқиқотлар институтининг Бухоро вилояти бўйича минтақавий бўлинмаси мутахассислари, жойлардаги мутасадди раҳбарлар, вилоят агрокластерлар, деҳқон-фермер хўжаликлари ва ердан фойдаланувчилар иштирок этдилар.

  Ўқув-семинар давомида сўзга чиқган мутахассислар ҳудудлардаги ҳар бир фермер хўжаликлардан тортиб хўжалик, туман ва вилоят кесимида суғориладиган, лалми ва яйлов ер майдонларида олиб бориладиган деградациясига қарши курашиш ва унинг салбий оқибатларини юмшатиш, чўлланиш ва қурғоқчиликнинг олдини олиш, биохилма-хилликни асраб қолиш, деградацияга учраган ерларни қайта тиклашда тупроқ унумдорлигини сақлаш ҳамда оширишда агротехник ва агромелиоратив тадбирларни илмий асосда олиб боришга қаратилган режаларини ўз вақтида бажариш масалалари тўғрисида ўз фикр мулоҳазаларини билдирдилар.

  Мазкур ўқув-семинарда туман пахтачилик ишчи гуруҳи аъзоси Тупроқшунослик ва агрокимёвий тадқиқотлар институти катта илмий ходими Алиёр Қораев суғориладиган тупроқларда кечадиган деградация жараёнлари ва уларнинг олдини олиш, тупроқ унумдорлигини сақлаш ва оширишга қаратилган агротехник, агромелиоратив тадбирларни қўллаш юзасидан илмий асосланган тавсия ва тушунчалар берди.

ҚАШҚАДАРЁ ҚИШЛОҚ ХЎЖАЛИГИ ВАКИЛЛАРИ УЧУН ИНТЕНСИВ ЎҚУВ КУРСЛАРИ ЎТКАЗИЛМОҚДА

Бугун замон шиддат билан тараққий этаяпти, одамларимизнинг ҳаёти ва дунёқараши ҳам ўзгармоқда. Давлат ҳокимияти ва бошқаруви органлари, хусусан қишлоқ хўжалиги тизими фаолиятида ҳам буни яққол кўришимиз мумкин.
Шу кунларда мамлакатимизнинг барча гўшаларида қишлоқ хўжалиги вазири ўринбосари Алишер Тўраев бошчилигида бир гуруҳ соҳа олимлари томонидан жойлардаги агрокластер, деҳқон-фермер хўжаликлари ва жойлардаги мутасадди раҳбарлар билан учрашувлар ташкил этиляпти. Ана шундай тадбирлар куни кеча Қашқадарё вилоятининг Шахрисабз ва Китоб туманларида бўлиб ўтган бўлса бугун Қарши ва Нишон туманларида бўлиб ўтмоқда.

Айтиш жойизки, Қашқадарё вилоятида фаолият олиб бораётган фермерлар, кластерлар ва қишлоқ хўжалиги вакиллари учун интенсив ўқув дастуридан ўрин олган соҳавий мавзулар барча семинар иштирокчиларини диққат эътиборини ўзига жалб этмай қолмади. Улар соҳа олимларидан ўзларига зарур бўлган маълумотлардан ташқари далада бажараётган ишлари тўғрисида, ёки бўлмаса фермерлик фаолиятини юритишда дуч келаётган муаммолари ҳақида кераклича жавоблар олдилар.

Ушбу интенсив ўқув курслари дастури бўйича йиғилишларда Тупроқшунослик ва агрокимёвий тадқиқотлар институти директори ўринбосари Н.Абдурахмонов ҳам бевосита иштирок этиб, «Тупроқ сирлари ва ердан самарали фойдаланиш» мавзусида маъруза қилди. Нотиқ ўз сўзида республикамизда қишлоқ хўжалиги ерларидан унумли фойдаланиш, унумдор ерларни муҳофаза қилиш, тупроқ маҳсулдорлигини сақлаш ва оширишга қаратилган агротехник, агромелиоратив тадбирлар қўллаш бўйича асосий йўналишлар бўйича ўз фикр мулоҳазаларини билдириш билан бирга зарурий тавсиялар ҳам берди.
Бир сўз билан айтганда, олимларимизнинг пухта режа асосида амалга ошираётган ишлари эса ердан фойдаланувчилар, кластер ва фермер хўжалик раҳбарларини беихтиёр руҳлантириб юборди, - десак муболағага ўрин қолмайди.

Ўзбекистон ва Япония Республикаси ўртасида турли соҳалардаги ҳамкорлик изчил, жадал ва самарали ривожланиб бормоқда. Шу жумладан қишлоқ хўжалиги тизимида ҳам.

Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институтида бўлиб ўтган учрашувда асосий эътибор соҳадаги ҳамкорлик масалаларига қаратилди.

Институт Бош директори Шуҳрат Бобомуродов ва институт масъул ходимлари ҳамда Япония давлатидан ташриф буюрган “Japan Conservation Engineers&Co.”, LTD. фирмаси вакиллари - ёрдамчи менеджери Ёшида Казуйо (Yoshida Kazuyo), Тупроқ бўйича маслаҳатчи, профессионал инженер Уэно Наоя (Ueno Naoya), маҳаллий консультант Ғайрат Жумаев билан соҳавий ҳамкорлик юзасидан учрашуви бўлиб ўтди.

Давра суҳбати иштирокчилари “Japan Conservation Engineers&Co.”, LTD. фирмаси вакиллари илгари сураётган Японияда ишлаб чиқилган ва бир нечта давлатларда синовдан ўтказилган Фужимин (Fujimin) – препаратини шўрланган тупроқлар мелиоратив ҳолатини яхшилашда фойдали томонлари ҳақида шунингдек бу борада ҳамкорликни тўғри йўлга қўйиш тўғрисида сўз юритилди.   

Мазкур учрашув якунида томонлар ўртасида ҳамкорлик меморандуми имзолаш ва келажакда биргаликда лойиҳаларни амалга ошириш режалаштирилди.