Institut yangiliklari

“ONGLI SAYYORA - TUPROQNI SAQLANG”

Hindistonda bu harakat Sadguru tomonidan ilgari surilgan tashabbus hisoblanadi. Dunyo bo‘yicha “Save Soil”(Tuproqni saqlang) — xalqaro harakati tuproq degradatsiyasini to‘xtatish, unumdorlikni oshirish va kelajak avlodlarga sog‘lom tuproqlar qoldirish haqida xabardorlikni oshirish siyosatini targ'ib etadi.

Harakat Banaskantada erta kuchaydi. Banaskanta tumani Osiyodagi eng yirik sut sanoatining yetakchi markazlaridan biri bo‘lganligi hududi qurg‘oqchil va yarim qurg‘oqchil sharoitlari tuproqlarda organik uglerod va muhim oziq moddalarning keskin etishmasligi sabab chorva mollari uchun yem-xashak yetishtirishda ko‘plab fermerlar doimiy muammolarga uchrashi sog‘lom tuproqlarni saqlab qolish va bu muammolarni hal qilishning yagona yo‘li barchani faollikka chaqiradi.

Bugun Qishloq xo‘jaligi vazirligining “Tuproq unumdorligini oshrish va yerlar degradatsiyasiga qarshi kurashish boshqarmasi” boshlig‘i Oybek Soatov rahbarligidagi delegatsiya a’zolari Banaskantadagi Banas Save Soil yirik sut kooperativida olib borilayotgan ish jarayonlari, xususan bu yerdagi “Tuproqni sinovdan o‘tkazish laboratoriyasi” shart-sharoitlari, mutaxassislar va fermerlar o‘rtasida faol bilim almashishga yordam beradigan trening darslarida tuproq biologiyasi va unumdorligini saqlash bo‘yicha tuproq salomatligiga yaxlit yondashuvga alohida e’tibor qaratilganligi va boshqa amaliyot ishlari bilan yaqindan tanishishmoqda.

O‘zbekiston qishloq xo‘jaligi delegatsiyasining “Save Soil” xalqaro harakatidagi ishtiroki Hindiston OAV lari jurnalistlari e’tiboridan chetda qolmadi. “Patan sity” ishtimoiy-siyosiy gazetasining bosh sahifasida tahliliy maqola va boshqa internet ishtimoiy tarmoqlarida mumtazam yoritilib borilayotgani diqqatga sazovordir.

Hindiston xizmat safari davom etmoqda.

Hindiston tajribasini o‘rganishda olingan bilim va malakalar kelgusida mamlakatimiz qishloq xo‘jaligini yanada rivojlanishi uchun muhim ahamiyat kasb etadi...  

2022-yildan buyon butun dunyo bo‘yicha “Save Soil”(Tuproqni saqlang) — xalqaro harakati Hindistonda Sadguru (Jaggi Vasudev) tomonidan ilgari surilgan tashabbus hisoblanadi. Ushbu g‘oya ostida tuproq degradatsiyasini to‘xtatish, unumdorlikni oshirish va kelajak avlodlarga sog‘lom tuproqlar qoldirishdir.

Shu kunlarda "Save Soil" harakatining MDH davlatlari bo‘yicha bosh direktori Cyjadha Pajagopal mamlakatimiz qishloq xo‘jaligi vaziri Ibrohim Abduraxmonovga yo‘llagan taklifnoma xatiga binoan bir guruh qishloq xo‘jalagining tuproqshunoslik yo‘nalishi bo‘yicha soha olimlari va yetuk mutaxassislaridan iborat delegatsiya a’zolari Hindiston davlatiga xizmat safarida bo‘lib turishibti.

Qishloq xo‘jaligi vazirligining “Tuproq unumdorligini oshrish va yerlar degradatsiyasiga qarshi kurashish boshqarmasi” boshlig‘i Oybek Soatov rahbarligidagi delegatsiya a’zolari Koimbator va Ahmadobod shaharlarida tuproq sho‘rlanishi bo‘yicha amalga oshirilayotgan loyihalar, fermer xo‘jaliklarida olib borilayotgan ishlar bilan yaqindan tanishdi.

Shuningdek  "Save Soil" harakatining tuproqda organik moddalar ulushini kamida 3–6% gacha oshirish, dehqonlarni kompost, yashil o‘g‘it, organik qoldiqlarni qayta ishlashga o‘rgatish kabi bir qator yo‘nalishlari bilan tanishish va bu yo‘nalishlar bo‘yicha tajriba almashishni yo‘lga qo‘yish bo‘yicha muzokaralar olib borilmoqda.

Ma’lumot uchun: mazkur xizmat safarida Tuproqshunoslik va agrokimyoviy tadqiqotlar instituti  Tuproq monitoringi, ekologiyasi, unumdorligini baholash va degredatsiya uchragan tuproqlar unumdorligini tiklash bo’limi boshlig’i, b.f.f.d., katta ilmiy hodimi N. Qalandarov va xalqaro aloqalar bo’yicha bosh mutaxassis Yo.Normatovlar ham ishtirok etmoqda.

     ⚡️Bugun Tuproqshunoslik va agrokimyoviy tadqiqotlar institutida Ilmiy - uslubiy kengashning navbatdagi yig‘ilishi bo‘lib o‘tdi.

     Yig‘ilishni institut uslubiy kengash raisi, qishloq xo'jaligi fanlari doktori, professor Ruzmetov Maksud Ismoilovich olib bordi.

     Yig‘ilishda institutning uslubiy kengash a’zolari, ilmiy xodimlar va doktorantlar ishtirok etdi.

     Ushbu yig‘ilish kun tartibiga ko‘ra:
Xolmatov Otabek Ismatovichning “Fosforli o‘g‘itlar samaradorligini oshirishning ilmiy asoslari” mavzusidagi 06.01.04 – “Agrokimyo” ixtisosligi bo‘yicha qishloq xo‘jalik fanlari falsafa doktori (PhD) ilmiy darajasini olish uchun taqdim etgan dissertatsiyasi ishini muhokamasiga bag‘ishlandi.
     Yig‘ilishda talabgor dissertatsiya ishi bilan kengash a’zolarini tanishtirdi.

     ✔️Uslubiy kengash a’zolari tomonidan dissertasiya yuzasidan savol-javoblar bo‘lib o‘tdi. Muhokamalarda talabgorni keyingi bosqichga o‘tishi uchun taklif va tavsiyalar berildi.

     Instituti huzuridagi DSc.25/30.12.2019.Qx/B.43.01 raqamli qishloq xo‘jalik va biologiya fanlari bo‘yicha fan doktori (DSc) va falsafa doktori (PhD) ilmiy darajalarini beruvchi Ilmiy Kengashning navbatdagi yig‘ilishi bo‘lib o‘tdi.

     Yig‘ilish kun tartibiga ko‘ra, NIYAZMETOV UMIDBEK XUDAYBERGANOVICHning «Geografik axborot tizimi texnologiyalari asosida tuproq xususiyatlariga ko‘ra ekinlarni optimal joylashtirishning ilmiy asoslari» 03.00.13-«Tuproqshunoslik» ixtisosligi biologiya fanlari bo‘yicha fan doktori (DSc) ilmiy darajasini olish uchun taqdim etgan dissertatsiya ishi himoyasiga bag‘ishlandi.
     Yig‘ilishni Institut huziridagi ixtisoslashgan Ilmiy kengashni kengash raisi o‘rinbosari, q.x.f.d., professor   Sh. Xoliqulov olib bordi.

     Yig‘ilishda talabgor dissertatsiya ishi yuzasidan amalga oshirilgan tadqiqotlari, ilmiy ishining dolzarbligi, ilmiy-amaliy ahamiyati, yangiligi va ishlab chiqarishga tavsiyalari bilan kengash a’zolarini tanishtirdi.

     Kengash a’zolari tomonidan dissertasiya yuzasidan savol-javoblar bo‘lib o‘tdi. Muhokamalarda Ilmiy kengash tomonidan Umidbek Niyazmetov tayyorlagan dissertatsiya ishi OAK talablariga to‘liq javob berishi ma’qulandi.