TEMURIYLAR TARIXI DAVLAT MUZEYIGA TASHRIF
- Tuproqshunoslik va agrokimyoviy tadqiqotlar instituti
- Yangiliklar
Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar institutining bir guruh xodimlari bugun TEMURIYLAR TARIXI DAVLAT MUZEYI ga jamoaviy va oilaviy tashrif buyurishdi.
✔️Institut xodimlari muzeyda Amir Temur va uning nevaralarining dunyo rivojiga qo‘shgan hissasini tasvirlovchi turli hujjatlar, qo‘lyozmalar, o‘sha davrda yaratilgan ilmiy va diniy markazlarning maketlari, an’anaviy kiyimlar, ixtiro qilingan o‘lchov asboblari, zirh va qalqonlar, sopol idishlardan iborat nihoyatda katta kolleksiyalar bilan yaqindan tanishdilar.
Bugun Tuproqshunoslik va agrokimyoviy tadqiqotlar instituti direktori Shuhrat Bobomurodov va soha olimlari Polshaning “ARTAGRO” kompaniyasi vakillari Marek Siborovski (Marek Ciborowski), Roman Babak va boshqa soha xodimlari bilan uchrashdi.
Muloqot chog‘ida Polshaning “ARTAGRO” kompaniyasi vakillari tuproqning holati va uning tuzilishini yaxshilash, yerlardan samarali foydalanish uchun mo‘ljallangan, ko‘plab davlatlar tuproqlarida sinovdan o‘tkazilgan “BASIC” gidrogelini kelgusida O‘zbekiston yerlarida qo‘llab ko‘rish taklifini ilgari surishdi.
Ma’lumot uchun: Mazkur gidrogelning foydali xususiyatiga ko‘ra: Tuproq profilida tuproq namligining sezilarli o‘sishiga erishish, urug‘larning bir tekis unib chiqishiga yordam berishi, yashil massa va u qo‘llaniladigan sirtdagi ildiz massasida taxminan 40% yaxshilanishga erishish mumkin. Shuningdek, sug‘orish paytida suv sarfini 20% dan 50% gacha kamaytirish imkonini berishi va eng asosiysi ushbu gidrogel atrof-muhit uchun xavfsiz bo‘lib, tuproqda mikroorganizmlar uchun neytral, odamlar, hayvonlar va o‘simliklar uchun toksik bo‘lmagan kamida 5 yil tuproqda o‘z faoliyatini saqlaydi va taxminan 10 yil o‘tgach, u butunlay biologik parchalanar ekan.
Suhbat davomida institut direktori Shuhrat Bobomurodov, «Tuproqlar biogeokimyosi, kimyoviy va fizik-kimyoviy holatini maqbullashtirish» bo‘limining professori Maruf Toshqo‘ziev tuproqlar unumdorligini, ekinlar hosildorligini oshirish uchun ushbu gidrogelni avvalo tuproqlarda sinab ko‘rish uchun o‘z fikr-mulohazalarini bildirdi.
Uchrashuv har ikki tomon “BASIC” gidrogelini kelgusida O‘zbekiston tuproqlarida ijobiy natijalarga erishiladigan bo‘lsa hamkorlik qilish uchun kelishuvga erishildi.
TOSHKENTDA BUTUNJAHON TUPROQ KUNI NISHONLANDI
- Tuproqshunoslik va agrokimyoviy tadqiqotlar instituti
- Yangiliklar
Рейтинг: 5 / 5
O‘zbekistonda Tuproqshunoslik va agrokimyoviy tadqiqotlar instituti o‘tgan asrning 20-yillarida tashkil qilingan bo‘lib, mustaqillik yillariga kelib jadal rivojlana boshladi. Mamlakatda yuqori malakali olimlarning mavjudligi, yer resurslaridan oqilona foydalanish yo‘lida Tuproqshunos olimlarining samarali ilmiy tadqiqotlari va amaliy ishlanmalari bugun qishloq xo‘jaligida faoliyat yurituvchilar uchun ishonchli dargohga aylanib ulgurdi.
Institut o‘zining 100 yildan ziyod faoliyati davomida Tuproqshunoslik va agrokimyoviy tadqiqotlar sohasida dunyo ilmiy hamjamiyati tomonidan tan olingan yirik ilmiy tadqiqot institutiga aylandi.
Har yil 5 dekabr Butunjahon tuproq kuni keng nishonlanadi. Xalqaro tuproq kuni 2002 yilda Tuproq haqidagi fanlar xalqaro ittifoqi tomonidan tavsiya etilgan. Global tuproq hamkorligi doirasida Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) bu kunni xabardorlikni oshirish uchun global platforma sifatida rasmiy ta’sis etilishini qo‘llab-quvvatladi. FAO konferensiyasi 2013 yil iyun oyida Butunjahon tuproq kunini o‘tkazishni bir ovozdan ma’qulladi va buni BMT Bosh Assambleyasining 68-sessiyasida rasmiy tasdiqlanishini so‘rab murojaat qildi.
O‘tgan yilda Yevropa Xavfsizlik va Hamkorlik Tashkiloti (YXHT) ning O‘zbekistondagi loyihalar koordinatori tomonidan Maktabgacha ta’lim vazirligi hamkorligida “Yer sayyorasi umumiy uyimiz” nomli Ekologik ta’lim va tarbiya bo‘yicha maktabgacha ta’lim tashkiloti uchun parsial dastur ishlab chiqilgan.
Hozirgi kunda mamlakatimizda maktabgacha ta’lim muassasalari mazkur parsial dastur bo‘yicha ham faoliyat olib borilmoqda.
Dastur bir nechta boblardan iborat bo‘lib ular 2030-yilgacha bo‘lgan davrga O‘zbekiston Respublikasi Vazirlar Mahkamasi tomonidan 2019-yil 27-mayda 434-sonli “O‘zbekiston Respublikasida ekologik ta’limni rivojlantirish konsepsiyasini tasdiqlash to‘g‘risida”gi qarorning qabul qilinishi, unda ekologik tarbiyani rivojlantirishning muhim yo‘nalishlari belgilangan.
Shuningdek, bolalarda yoshligidanoq ekologik madaniyatni, o‘z ona zaminimiz tabiiy boyliklariga hurmat bilan munosabatda bo‘lishni rivojlantirish, ularda tabiiy resurslarning holati uchun mas’uliyat tuyg‘usini, tuproqlardan va atrof-muhitdan oqilona foydalanish ko‘nikmalarini oshirishdan iborat.
Bugun Tuproqshunoslik va agrokimyoviy tadqiqotlar institutiga Yakkasaroy tumanidan “FORTUNA EDUCATION” nodavlat bog‘cha bolalari tarbiyalanuvchilari tashrifining asosiy maqsadi ham ana shulardan iborat bo‘ldi.
🌿Mamlakatimiz bo‘ylab amalga oshirilayotgan "Yashil makon" umummilliy dasturi doirasida yurtimizning barcha go‘shalarida kuz mavsumida daraxt va ko‘chat ekish ishlari jadal suratlar bilan amalga oshirilmoqda.
✔️Ushbu loyiha doirasida ekologik vaziyatni yaxshilash, hududlarni yashil makonga aylantirish maqsadida ayni paytda Tuproqshunoslik va agrokimyoviy tadqiqotlar institutining bir guruh xodimlari Yuqori Chichiq tumani Ahmad Yassaviy mahallasida joylashgan Qishloq xo'jaligi bilim va innovatsiyalar milliy markazi binosiga keladigan yo'l bo'ylari obodonlashtirilib, "Yashil makon" ummumilliy loyihasi doirasida AKIS markazi hududida 200 tupdan ziyod archa va pavloniya ko'chatlarini ekilmoqda.
✔️Institut tomonidan “Yashil makon” umummilliy loyihasi doirasida kuzgi ko‘chat ekish tadbirlari uyushqoqlik bilan davom ettirilmoqda.