INSTITUT HUZURIDAGI IXTISOSLASHGAN ILMIY KENGASHI QOSHIDAGI ILMIY SEMINARNING MAJLISI BO‘LIB O‘TDI
🌟Bugun Tuproqshunoslik va agrokimyoviy tadqiqotlar instituti huzuridagi DSc.25/30.12.2019.Qx/B.43.01 raqamli qishloq xo‘jalik va biologiya fanlari bo‘yicha fan doktori (DSc) va falsafa doktori (PhD) ilmiy darajalarini beruvchi Ilmiy Kengash qoshidagi ilmiy seminarning navbatdagi yig‘ilishi bo‘lib o‘tdi.
Yig‘ilishni biologiya fanlari doktori, professor N.Abduraxmonov olib bordi.
Yig‘ilish kun tartibiga ko‘ra, Niyazmetov Umidbek Xudayberganovichning “QISHLOQ XO‘JALIGI EKINLARINI TUPROQ XUSUSIYATLARIGA KO‘RA GEOGRAFIK AXBOROT TIZIMI (GAT) TEXNOLOGIYALAR ASOSIDA OPTIMAL JOYLASHTIRISHNING ILMIY ASOSLARI” mavzusidagi 03.00.13 – Tuproqshunoslik ixtisosligi bo‘yicha biologiya fanlari doktori (DSc) ilmiy darajasini olish uchun taqdim etgan dissertatsiya ishini muhokamasiga bag‘ishlandi.
Yig‘ilishda talabgor dissertatsiya ishi yuzasidan amalga oshirilgan tadqiqotlari, ilmiy ishining dolzarbligi, ilmiy-amaliy ahamiyati, yangiligi va ishlab chiqarishga tavsiyalari bilan kengash a’zolarini tanishtirdi.
Shundan so‘ng kengash a’zolari va yig‘ilganlar tomonidan dissertasiya yuzasidan savol-javoblar bo‘lib o‘tdi. Muhokamalarda kengash a’zolari tomonidan talabgor UMIDBEK NIYAZMETOVga taklif, tavsiyalar berildi va keying bosqichga o‘tishi ma’qullandi.