Yashil makon Hashar

⏳Mamlakatimiz bo‘ylab amalga oshirilayotgan "Yashil makon" umummilliy dasturi doirasida yurtimizning barcha go‘shalarida manzarali daraxt va mevali ko‘chat ekish ishlari jadal suratlar bilan amalga oshirilmoqda.

🌟Ushbu loyiha doirasida ekologik vaziyatni yaxshilash, hududlarni yashil makonga aylantirish maqsadida kuni kecha Tuproqshunoslik va agrokimyoviy tadqiqotlar institutining bir guruh xodimlari Bo‘stonliq tumanida tashkillashtirilgan hashar ishida faol ishtirok etishdi.

🌟Navro‘z bayrami kuni yaqinlashishi bilan unga tayyorgarlik ko‘rish ishlarining eng birinchi galdagi amallaridan biri hashar ishi hisoblanadi. Bugun ana shu hashar ishi institut hududida ham tashkil etildi. Institut binosi atroflari ozoda, sarishta, tartibli holatga keltirildi. Bundan tashqari ko‘chatlar ekish, ekilgan ko‘chatlar parvarishlandi. Uyur-uyur chiqindilar belgilangan joylarga olib chiqib ketilishi ham ta’minlandi.

💬Tuproqshunos olimlarning ta’kidlashicha mazkur “Yashil makon” umummilliy loyihasi tadbiri avvalo jannatmakon yurtimizni yanada yashillikka burkanishida asosiy omil bo‘lsa, tuproqlarimizda esa tabiiy va antropogen ifloslanish ta’sirida yuzaga kelayotgan ekologik tahdidlarning salbiy oqibatlaridan himoya qilish imkoniyatini vujudga keltirar ekan...