Institut yangiliklari

ТАИТИ расмий канал

Ўзбекистон Республикаси Президентининг "Ёшларни қўллаб-қувватлаш ва аҳоли саломатлигини мустаҳкамлаш йили" да амалга оширишга оид давлат дастури тўғрисида"ги фармони лойихаси муҳокамасида қишлоқ хўжалигини ривожлантиришга қаратилган лойихалар тўғрисида. Батафсил
(https://2021.strategy.uz/farmonuz)
Тупроқшунослик ва агрокимё илмий-тадқиқот институти ахборот хизмати

Каналга уланиш учун

ТАИТИ расмий канал

Ўзбекистон Республикаси Президентининг "Ёшларни қўллаб-қувватлаш ва аҳоли саломатлигини мустаҳкамлаш йили" да амалга оширишга оид давлат дастури тўғрисида"ги фармони лойихаси муҳокамасида қишлоқ хўжалигини ривожлантиришга қаратилган лойихалар тўғрисида.

XIII. Қишлоқ хўжалиги ишлаб чиқаришининг самарадорлигини ошириш, ер майдонлари ва сув ресурсларидан оқилона фойдаланиш, интенсив технологиялар ва инновацион ишланмаларни кенг жорий қилиш, мамлакатнинг озиқ-овқат ҳавфсизлигини таъминлаш, аграр соҳа экспорт салоҳиятини ошириш, кластер тизимини ва барча йўналишларда қишлоқ хўжалиги маҳсулотларини чуқур қайта ишлашни янада ривожлантириш учун шарт-шароитлар яратиш йўналишларида қишлоқ хўжалиги соҳасини ислоҳ қилишни давом эттириш.

116. “Ягона дарча” тамойили бўйича фермер, деҳқон хўжаликлари, агрокластерлар, кооперациялар ва бошқа тадбиркорлик субъектларига инновацияларга асосланган сифатли агрохизматлар кўрсатишни йўлга қўйиш.

117. Қишлоқ хўжалигида экинлар ҳосилдорлигини ва самарадорликни ошириш.

118. Қишлоқ хўжалигида ер муносабатлари бўйича ислоҳотларни янада такомиллаштириш, ерларни бозор активларига айлантириш ҳамда ер участкаларини ижара ҳуқуқи билан фойдаланишга беришнинг замонавий ва шаффоф механизмларини жорий этиш.

119. Мамлакатда қишлоқ хўжалиги маҳсулотлари етиштириш ҳажмини ошириш мақсадида ирригация-мелиорация объектларини қуриш, реконструкция қилиш ҳамда суғориш қудуқларини ўрнатиш орқали жами 90 минг гектар майдонларни ўзлаштириш ва қишлоқ хўжалиги экинларини жойлаштириш.

120. Сувни тежайдиган технологиялар жорий этиладиган ер майдонларини кўпайтириш ҳамда сувни иқтисод қилиш технологияларини жорий этиш.

121. “Даладан истеъмолгача” тамойили асосида маҳсулотлар етиштириш бўйича қишлоқ хўжалиги кооперацияларини рағбатлантириш тизимини жорий этиш, хусусан, ёшлар ва хотин-қизларнинг фаол иштирокини таъминлаш.

122. Фойдаланишдан чиққан ерларни фойдаланишга киритиш ва янги ерларни ўзлаштириш ҳамда ерга ер қўшиш орқали қишлоқ ҳудудларида янги иш ўринлар яратиш ва 0,1-1 гектарлик кичик участкалардан иборат оилавий ва бошқа турдаги хўжаликлар кооперацияларини ташкил қилиш.

123. Қишлоқ хўжалиги экинлари селекцияси, уруғчилик ва кўчатчилик тизимини такомиллаштириш, харидорларни кафолатланган уруғлик ва кўчатлар билан таъминлаш механизмини жорий этиш.

124. Қишлоқ хўжалигини модернизация қилиш, рақамлаштириш, ернинг унумдорлигини ошириш, замонавий агротехнологияларни жорий этиш.

125. Қишлоқ хўжалиги тармоғи статистикасининг шаффоф механизмини жорий этиш ва рақамлаштириш.

126. Аҳолининг озиқ-овқат хавфсизлигини таъминлаш мақсадида гўшт, сут, тухум ва балиқ маҳсулотлари ишлаб чиқариш ҳажмларини ошириш.

127. Аҳоли томорқаларига комплекс хизмат кўрсатишни ташкил этиш учун республиканинг мева-сабзавот кўп етиштириладиган 32 та туманида томорқа хизмати кластерлари фаолиятини йўлга қўйиш.

Сиз ҳам ўз таклифларингизни бериш имконига эгасиз. Батафсил

Тупроқшунослик ва агрокимё илмий-тадқиқот институти ахборот хизмати

Каналга уланиш учун
@taiti_soil

Mamlakatimizda amalga oshirilayotgan keng koʼlamli islohotlar hamda yaratilayotgan imkoniyatlar natijasida yildan-yilga qishloq xoʼjaligi mahsulotlarini ishlab chiqarish salmogʼi ortib, respublikamizning oziq-ovqat xavfsizligi taʼminlash bilan birga jahon bozoriga eksport hajmi koʼpayib bormoqda.

Oʼzbekiston Respublikasi Prezidentining 2018 yil 12 dekabrda “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish choratadbirlari toʼgʼrisida”gi PQ-4059-sonli qarori qabul qilindi.

Ushbu Qaror mahalliy mahsulotlar sifati va raqobatbardoshligini oshirish orqali eksport geografiyasini kengaytirish xalqaro tashkilotlar bilan oʼzaro hamkorlik qilishni rivojlantirishga qaratilgan boʼlib, iqtisodiyotimizning bugungi kundagi jahon hamjamiyatiga integratsiyalashtirish, mahalliy mahsulotlarimizning sifati va raqobatbardoshligini oshirish orqali eksport geografiyasini kengaytirish, xalqaro tashkilotlar bilan oʼzaro hamkorlikni rivojlantirishga qaratilgandir.

Ushbu Qaror ijrosini soha hayotiga tadbiq etish maqsadida Tuproqshunoslik va agrokimyo ilmiy-tadqiqot institutining “Tuproq tahlil markazi” davlat akkreditatsiyasidan oʼtkazildi.

Bundan koʼzlangan eng asosiy maqsad Respublikamizning qishloq xoʼjaligi korxonalari, klasterlar, fermer va dehqon xoʼjaliklarida eksportga yoʼnaltirilgan raqobatbardosh qishloq xoʼjaligi mahsulotlarini ishlab chiqarishning asosiy omillaridan biri boʼlgan tuproqlarni sifat jihatidan xalqaro standartlar talabiga javob berishini taʼminlashdir.

Maʼlumki, qishloq xoʼjaligi ekinlaridan rejalashtirilgan sifatli hosilni olish uchun tuproqda ekinlar talabiga mos oziqa rejimini yaratish zarur. Har bir ekin turining tuproq oziqa rejimiga talabi esa oʼziga xos xususiyatlarga ega boʼlib, bir-biridan farq qiladi. Аyni paytda ekinlarning oʼz vegetatsiyasi davrida tuproq oziqa rejimiga - tuproqdagi oziqa moddalarining miqdori va nisbatlariga talabi oʼzgarib boradi. Tuproqda mana shu oʼzgaruvchan talabga mos oziqa rejimi yaratilgandagina ekinlardan rejalashtirilgan sifatli hosilni olish mumkin.

“Tuproq tahlil markazi” zamonaviy asbob-uskunalar bilan jihozlangan boʼlib, tuproq tahlillarini yuqori aniqlikda va sifatda bajarish imkoniyatlariga ega.

“Tuproq tahlil markazi” laboratoriyasi tuproq tahlillari boʼyicha quyidagi majmuaviy xizmatlarni investorlarga, klasterlar, fermer va dehqon xoʼjaliklari va boshqa yerdan foydalanuvchilarga taklif qiladi:

·        tuproqning granulometrik tarkibi tahlili;

·        tuproqning shoʼrlanganlik darajasi va shoʼrlanish tipini aniqlash;

·        tuproq karbonatlari miqdorini aniqlash;

·        tuproqda gips miqdorini aniqlash;

·        tuproq muhitini (rN) aniqlash;

·        tuproq elektr oʼtkazuvchaniligini aniqlash (mSm/sm);

·        tuproqda gumus, azot, fosfor va kaliyning umumiy miqdorlari tahlillari;

·        tuproqda asosiy oziqa moddalari (azot, fosfor va kaliy) ning harakatchan shakllari miqdorlarini va ushbu moddalar bilan taʼminlanganlik darajalarini aniqlash;

·        suvning minerallashganlik darajasini (shoʼrligini) aniqlash;

·        suv muhitini (rN) aniqlash;

·        suvning elektr oʼtkazuvchaniligini aniqlash (mSm/sm);

·        oʼsimlik organlari tarkibidagi asosiy oziqa elementlari (N,P,K) miqdorlarini aniqlash;

·        tuproqlarning granulometrik tarkibi, shoʼrlanganligi, gumus va oziqa elementlari bilan taʼminlanganlik darajalarini koʼrsatuvchi kartogrammalarini tuzish;

·        koʼrsatilgan tahlillar asosida tuproq unumdorligini saqlash va oshirish, sugʼorish, shoʼr yuvish meʼyorlarini beligilash, mineral va organik oʼgʼitlarni qoʼllash boʼyicha tavsiyalar berish.

“Tuproq tahlil markazi” laboratoriyasi barcha xizmatlarini Tuproqshunoslik va agrokimyo ilmiy-tadqiqot institutining ilmiy salohiyatiga (fan doktrlari, fan nomzodlari, falsafa doktorlari) tayangan holda amalga oshiradi.