Institut yangiliklari

MANFAATLI HAMKORLIK SARI

Har qanday sohaning rivojlanish mezonida o‘zaro tajriba almashish, xalqaro hamkorlikni kengaytirish masalasi turadi. Bugun mamlakatimiz qishloq xo‘jaligi vazirligi tomonidan xorijiy davlatlar bilan o‘zaro manfaatli hamkorlik aloqalari yo‘lga qo‘yilmoqda. Birgina tuproqshunoslik sohasida ham olib borilayotgan islohotlar natijasi o‘laroq hamkorlik aloqalarning tobora kengayib borayotganini yaqqol ko‘rishimiz mumkin.

Bugun Tuproqshunoslik va agrokimyoviy tadqiqotlar institutida Xitoy Xalq Respublikasining G‘arbiy qishloq xo‘jaligi instituti direktor o‘rinbosari professor He Wenqing hamda ilmiy tadqiqotlar va xalqaro aloqalar bo‘limi xodimi Wang Yan bilan uchrashuv o‘tkazildi.

Uchrashuv muzokaralari avvalida institut direktori Sh. Bobomurodov amalga oshirilayotgan ilmiy tadqiqotlar, yaratilgan yangi ishlanmalar va institutning rejalashtirilgan ilmiy yo‘nalishlari bilan tanishtirdi.

Muzokaralar yakunida ikki institut o‘rtasida memorandum imzolash hamda sug‘oriladigan tuproqlar sho‘rlanishini kamaytirish, tuproqlarda kechayotgan degradatsiya jarayonlarini oldini olish va oqibatlarini bartaraf etish yo‘nalishlarida ilmiy hamkorlikda tadqiqot loyihalarini yo‘lga qo‘yish masalalari bo‘yicha kelishuvga erishildi.

Ta’kidlash joizki, so‘nggi yillarda institut tomonidan 10 ga yaqin O‘rta Osiyo va yevropa davlatlari bilan ilmiy-amaliy hamkorliklar yo‘lga qo‘yilgan bo‘lib bular; Yaponiyaning “Conservation Engineers & Co. LTD”, Germaniyaning «Gannover» universiteti, Polshaning “ARTAGRO” kompaniyasi, Niderlandiyaning Vageningen universiteti hamda “Butunjahon tuproq muzeyi”, Rossiya, Qozog‘iston, Tojikiston, Afg‘oniston davlatlari bilan o‘zaro hamkorlik tobora mustahkamlanib bormoqda.

🤝Hamkorlikdagi loyihalar ham fermerlar nigohida katta qiziqish uyg‘otmoqda

✔️Tuproqshunoslik va agrokimyoviy tadqiqotlar instituti olimlari tomonidan bajarilayotgan o‘nlab loyihalar bilan bir qatorda hamkorlikda olib borilayotgan loyihalar ham o‘z natijalariga ega bo‘layotir.

📝Ana shunday loyihalardan biri “Buxoro va Kogon tumanlari tuproqlarini sun’iy intellekt texnologiyalari orqali tahlil qilish, monitoring va boshqarish bo‘yicha UzSoilAI tizimini yaratish” loyihasidir.

✔️Mazkur loyiha FAOning “Markaziy Osiyo va Turkiyaning qurg‘oqchil va sho‘rlangan qishloq xo‘jaligi landshaftlarida tabiiy resurslarni integratsiyalangan boshqarish” dasturi tomonidan moliyalashtirilgan.

🔺Buxoroda tashkil etilgan seminarda loyiha koordinatori Muhammadjon Qosimov, “Tuproq geografik axborot tizimlari va pedometrika” bo‘limi boshlig‘i - Zafar Baxodirovlar fermerlarga tuproqlar holatini tahlil qilish, monitoring qilish va yaxshilash yuzasidan tavsiyalar beruvchi zamonaviy sun’iy intellekt tizimlari yordamida ishlaydigan UzSoilAI veb-dasturining afzalliklari xususida so‘z yuritildi.

☝️Asosiy qismda Zafar Baxodirov fermerlarga va boshqa ishtirokchilarga UzSoilAI tizimi, uning funksiyalari, tizimni yer egalari uchun foydali tomonlari tushuntirib o‘tdi. So‘ngra, ushbu veb-dasturdan qanday foydalanish mumkinligini amaliy jarayonda ko‘rsatib berdi.

☄️Fermerlar tizimga katta qiziqish bildirishdi va o‘zlarining ijobiy fikrlari va tizimni yaxshilash bo‘yicha takliflarini bayon etishdi.

⚡️Bugun Tuproqshunoslik va agrokimyoviy tadqiqotlar institutining majlislar zalida Ilmiy - uslubiy kengashning navbatdagi yig‘ilishi bo‘lib o‘tdi.

♻️Ushbu yig‘ilishni institut uslubiy kengash raisi biologiya fanlari doktori, professor Toshqo‘ziyev Maruf Mansurovich olib bordi.

✔️Yig‘ilishda Tuproqshunoslik va agrokimyoviy tadqiqotlar institutining uslubiy kengash a’zolari, ilmiy xodimlar va doktorantlar ishtirok etdi.

⌛Mazkur yig‘ilish kun tartibiga ko‘ra Xushmurodov Jobir Panjiyevichning “Sug‘oriladigan och-tusli bo‘z tuproqlarning agroekologik holati, mosh va loviya ekinlarda og‘ir metallarning akkumulyatsiyasi (Nurobod tumani tuproqlari misolida)” mavzusidagi 06.01.04 – “Agrokimyo” ixtisosligi bo‘yicha qishloq xo‘jalik fanlari falsafa doktori (PhD) ilmiy darajasini olish uchun taqdim etilgan dissertatsiya ishi muhokamasiga bag‘ishlandi.

🔺Yig‘ilishda dastlab talabgorning ishi yuzasidan amalga oshirgan tadqiqotlari, ilmiy nashrlarda chop etgan ilmiy ishlari yuzasidan taqdimotlari tinglandi.

✍️Ilmiy-uslubiy kengash a’zolari va ilmiy xodimlar tomonidan ilmiy hodimlarning ish dasturlari va olib borgan tadqiqotlari yuzasidan savol-javoblari bo‘lib o‘tdi. Muhokamalarda uslubiy kengash raisi va kengash a’zolari tomonidan talabgorning mavzusi doirasida taklif va tavsiyalar berildi.

✔️Yig‘ilish tanlangan ilmiy mavzu doirasida qizg‘in bahs-munozaralarga boy va ko‘tarinki ruhda bo‘lib o‘tdi.

⚽️"Qishloq xo‘jaligi xodimlari kuni" ga bag‘ishlab o‘tkazilayotgan “Direktor kubogi” futbol turnirining birinchi uchrashuvlar jadvaliga ko‘ra

☄️Qashqadaryo va Xorazm mintaqaviy bo‘linmalar futbol jamoalari Buxoro shahrida maydonga chiqishlari kutilmoqda.

📌Tuproqshunoslik va agrokimyoviy tadqiqotlar institutining 2024-yil 31-oktabr 05-26-son “Fútbol musobaqasini” tashkii etish to'g‘risidagi buyrug‘iga asosan uyushtirilayotgan bu kabi sport tadbiri institut tizimida faoliyat yuritayotgan xodimlar o‘rtasida o‘zaro do‘stlik va hamjihatlikni yanada mustahkamlanishga hamda sog‘lom turmush tarzini targ‘ib etish maqsadida tashkil etildi.
🔺Markaziy institut barcha futbol jamoalariga omad tilab qoladi.