ҲАМКОРЛИК – МУВАФАҚҚИЯТЛАР ГАРОВИ!
- Tuproqshunoslik va agrokimyoviy tadqiqotlar instituti
- Yangiliklar
Бугунги кунда Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институти томонидан илм-фан ва тупроқшунослик соҳасида халқаро алоқаларни кенгайтиришга катта эътибор қаратилмоқда. Бундан кўзланган асосий мақсад, Институт фаолияти самарадорлигини янада ошириш, илғор хорижий тажрибаларни ўрганиш ва жорий этишдир.
Айнан шу мақсадда Институтда ҳалқаро хамкорлик учрашуви бўлиб ўтди. Ушбу учрашувда Институт директори, биология фанлари доктори Шуҳрат Бобомуродов, Германия Республикасининг нуфузли Ганновер Университети Тупроқшунослик институти директори, профессор, доктор Георг Гуггунбергер ҳамда қўшни Қозоғистон давлатининг У.У.Успанов номидаги Қозоғистон Тупроқшунослик ва агрокимё илмий-тадқиқот институти директори Раушан Рамазанова, Қишлоқ хўжалиги вазирлигининг Ерлар деградацияси, қурғоқчилик ва чўлланиш тўғрисидаги маълумотларни йиғиш, таҳлил қилиш ва ишлов бериш бошқармаси бошлиғи Саъдулла Зайнабиддинов ва бошқа юқори малакали тупроқшунос олимлар иштирок этди.
Мазкур учрашув уч томонлама ҳамкорлик қилиш масалаларига қаратилди. Шуни алоҳида эътироф этиш жоизки, Германия ва Қозоғистон мамлакатлари билан Ўзбекистон ўртасидаги ҳамкорлик кун сайин янги босқичда жадал тараққий этмоқда. Бу айниқса қишлоқ хўжалиги, энергетика, савдо-иқтисодий, инвестициявий, илмий-техникавий ва таълим соҳалардаги муносабатлар мустаҳкамланишида ёхуд уч давлат манфаатларига хизмат қиладиган лойиҳаларнинг ҳаётга изчил татбиқ этилишида ўз ифодасини топмоқда. Шу ўринда ушбу давлатларнинг қишлоқ хўжалиги тизимидаги тупроқшунослик соҳаси бўйича ҳам ўзига хос ривожланиш йўли ва илғор ютуқлари мавжуд.
Шунингдек, мазкур тадбирда ҳар уч давлат вакилларининг ҳозирги кундаги тупроқшунослик соҳасидаги энг долзарб мавзулар: – ХХI аср экологияси, дунёда рўй бераётган глобал иқлим ўзгариши, ерлар деградациясига қарши курашиш, биохилма-хилликни асраш, тупроқ унумдорлигини сақлаш, ерларни муҳофаза қилиш билан боғлиқ муаммоларга биргаликда ечим излаш, илмий ва амалий тажриба алмашиш асносида соҳадаги ёш олим ва мутахассисларни илмий салоҳиятини ошириш каби массалалар юзасидан самимий мулоқоти бўлиб ўтди.
Мулоқотлар якунида ҳар уч давлат тупроқшунос олим ва юқори малакали мутахассислари томонидан тез фурсатларда халқаро ҳамкорлик алоқаларини мустаҳкамлаш, ҳамкорликнинг серқирра истиқболлари бўйича меморандум тузишга келишиб олинди.
УЧРАШУВ ЎТКАЗИЛДИ
- Tuproqshunoslik va agrokimyoviy tadqiqotlar instituti
- Yangiliklar
Бугун Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институтида БМТнинг Озиқ-овқат ва қишлоқ хўжалиги ташкилоти (ФАО) вакиллари билан учрашув бўлиб ўтди.
Мазкур учрашувда ФАОнинг CACILM-2 лойиҳаси бўйича мониторинг ва баҳолаш ишлари регионал мутахассиси Сарбони Каримзода ҳамда “Марказий Осиё ва Туркиянинг қурғоқчил ва шўрланган қишлоқ хўжалиги ишлаб чиқариш ландшафтларида табиий ресурсларни комплекс бошқариш” лойиҳаси миллий координатори Муҳаммаджон Қосимов, институт директори Шуҳрат Бобомуродов ва соҳа мутахассислари иштирок этишди.
Учрашувда ФАО билан ҳамкорликда бажарилган соҳага оид умумий ишлар муҳокама қилинди.
Шунингдек, ушбу учрашувда келгусида ҳамкорликдаги янги бажарилиши мумкин бўлган лойиҳалар бўйича фикр алмашилди.
БУХОРОДА СЕМИНАР-ТРЕНИНГ ИШИ ДАВОМ ЭТМОҚДА
- Tuproqshunoslik va agrokimyoviy tadqiqotlar instituti
- Yangiliklar
Айни пайтда Бухоро вилоятида «Марказий Осиё ва Туркиянинг қурғоқчил ва шўрланган қишлоқ хўжалиги ишлаб чиқариш ландшафтларида табиий ресурсларни комплекс бошқариш» лойиҳаси доирасида ҳамкор ташкилот вакиллари иштирокида «Гендер стратегиясини ишлаб чиқиш» мавзусига бағишланган семинар-тренинг иши бўлиб ўтмоқда.
Ушбу тадбирдан кўзланган асосий мақсад – Ўзбекистон Республикаси Қишлоқ хўжалиги вазирлигининг 2030 йилгача бўлган Гендер тенглиги стратегиясига мувофиқ ФАО ҳамкор ташкилотларида гендер тенглигини таъминлаш бўйича стратегик режани ишлаб чиқишдан иборатдир.
Мазкур ўқув семинарида ФАО томонидан амалга оширилаётган CACILM-2 лойиҳаси доирасида ҳамкор ташкилот вакиллари ва ташкилотлардан 2-3 нафар ходимлар иштирок этишмоқда. Шу жумладан, Тупроқшунослик ва агрокимёвий тадқиқотлар институти «Тупроқлар биогеокимёси, кимёвий ва физик-кимёвий ҳолатини мақбуллаштириш» бўлим мудири Т.Бердиев, Инстиут илмий ходимларидан С.Пирманова, М.Кўчимовалар ҳам фаол иштирок этишмоқда.
Бугун ФАОнинг Ўзбекистондаги ваколатхонаси томонидан ўтказилаётган ушбу семинар-тренинг иши ўз якунига етади.
ТАДҚИҚОТ ИШЛАРИ БАЖАРИЛМОҚДА
- Tuproqshunoslik va agrokimyoviy tadqiqotlar instituti
- Yangiliklar
Тупроқшунослик ва агрокимёвий тадқиқотлар институтининг бир гуруҳ малакали мутахассис ва олимлари Институтнинг Хоразм вилоятидаги минтақавий бўлинмаси билан ҳамжиҳатликда Навоий вилоятида “Навоий вилояти суғориладиган ерларининг шўрланган тупроқларини харитага тушириш” тадқиқот ишлари амалга оширилмоқда.
Ушбу тадқиқот ишлари Институт олимлари томонидан Ўзбекистон Республикаси Вазирлар Маҳкамасининг 2021 йил 3 июндаги “Атроф-муҳитнинг ифлосланиш даражасини баҳолаш тизимини янада такомиллаштириш тўғрисида”ги Қарорнинг 7 банди ва ушбу Қарор билан тасдиқланган “2021-2025 йилларда Ўзбекистон Республикасида атроф табиий муҳит мониторинги ДАСТУРИ”нинг VII-30 бандида белгиланган вазифаларни бажаришга қаратилган.
Олимларимиз томонидан ушбу тадбир Навоий вилоятида мавжуд жами 100 минг гектар қишлоқ хўжалиги ер майдонларида бажариш ишлари мақсад қилинган. Бунда умум қабул қилинган методикаларга асосан ўртача ҳар 18 гектар майдондан 1 та кесма қазилади. Жами ер майдонининг 10% идан 2 метрлик, 90% дан 1 метрлик тупроқ кесмалар қазилади. Шунингдек улардан тупроқ намуналари олиниб, туманлардан келтирилган тупроқ намуналари лаборатория анализларидан ўтказилади; камерал ишлари (дала ва лаборатория хужжат, маълумотларига асосан массивлариинг 1:10000 миқёсдаги тупроқ шўрланиши картограммаларини тузиш ва уларни чизиш ишлари) олинган натижалар асосида туманлар учун тушунтириш ва мутахассис хулоса хатлари ёзиб берилади.
Эслатиб ўтамиз: Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институти Хоразм минтақавий бўлинмаси Президентимиз томонидан 2022 йил 10 июнида қабул қилинган 277-сонли «Ерлар деградациясига қарши курашишнинг самарали тизимини яратиш чора-тадбирлари тўғрисида»ги қарорига мувофиқ ташкил этилган.
