24 noyabr kuni Tuproqshunoslik va agrokimyoviy tadqiqotlar instituti vakillari va Jahon banki tomonidan moliyalashtirilayotgan «Qishloq xo‘jaligini modernizatsiya qilish» loyihasini amalga oshirishni qo‘llab- quvvatlash missiyasi vakillari o‘rtasida uchrashuv bo‘lib o‘tdi.
Ushbu uchrashuvda Qishloq xo‘jaligi vazirligi va Tuproqshunoslik va agrokimyoviy tadqiqotlar instituti tomonidan Qishloq xo‘jaligi vazirligi boshqarma boshlig‘i Sa’dulla Zaynobiddinov, Institut direktori Shuhrat Bobomurodov, institut yetakchi ilmiy xodimi Abdunabi Bairov, bo‘lim boshlig‘i Zafar Bahodirovlar, «Qishloq xo‘jaligini modernizatsiya qilish» loyihasini amalga oshirishni qo‘llab-quvvatlash missiyasi rahbari, janob Tumurdavi Bayarsayxan, loyiha vakillari Sanjar Babaev, Sunnatilla Rashidov hamda tuproq tahlili komponenti konsultanti Anna Gorbachevalar ishtirok etishdi.
Mazkur uchrashuvda «Qishloq xo‘jaligini modernizatsiya qilish» loyihasi vakillari bilan Institut va uning filialliariga Tuproq tahlili subkomponenti doirasida amalga oshirilayotgan ishlar holati to‘liq o‘rganilib, kelgusida loyiha hisobidan sotib olinishi rejalashtirilayotgan zamonaviy uskunalar xaridi bo‘yicha fikr almashildi. Bunda ushbu uskunalar ro‘yxati, hozirda sotib olinish holati va mavjud muammolarni bartaraf etish yo‘llari muhokama qilindi.
Uchrashuv vakillari hamkorlikda kelgusida ushbu subkomponent doirasida amalga oshirilishi muhim bo‘lgan va rejalashtirilgan vazifalar to‘g‘risida ham o‘z fikr-mulohazalarini bildirishdi.
Uchrashuv yakunida «Qishloq xo‘jaligini modernizatsiya qilish» loyihasining Tuproq tahlili subkomponenti bo‘yicha belgilangan vazifalarni amalga oshirishni jadallashtirish, jumladan, sotib olinishi rejalashtirilayotgan uskunalarni xarid qilish jarayonini tezlashtirishga kelishib olindi.
Uchrashuv ko‘tarinki ruhda va tomonlar uni yuqori saviyada olib borilganligini qayd etishdi.
Muzeylar ajdodlardan meros bo‘lgan boylikni kelajak avlodga yetkazib beradigan ilmiy, ma’naviy-ma’rifiy xazinadir. Uzoq tarix sahifalaridan so‘zlovchi bebaho kitob hamdir.
Tuproqshunoslik va agrokimyoviy tadqiqotlar institutining bir guruh ilmiy xodimlari «Temuriylar tarixi» davlat muzeyiga sayohat qilishdi. Ushbu muzey Amir Temur va temuriylar davridagi ilm-fan, maorif va madaniyatning yuksak darajadagi taraqqiyotini haqqoniy aks ettiradi. Yosh olimlar sayohat mobaynida Temuriylarga tegishli tarixiy ma’lumotlar bilan tanishdilar.
Ushbu muzey Amir Temur va Temuriylar davri tarixini o‘rganuvchi ilmiy markaz sifatida xalqimizning davlatchilik tarixini yoritib beruvchi, ajdodlarimizning boy moddiy va ma’naviy merosini o‘zida mujassamlovchi va ilmiy tadqiq etib kelajak avlodga yetkazuvchi yagona ob’ekt ham hisoblanadi. – Institutimiz rahbariyati tomonidan tashkillashtirilgan ushbu «Moziyga sayohat» tadbiridan shuni yanada chuqurroq anglab yetdimki, biz dunyoda tengi yo‘q ajdodlarning munosib vorislarimiz, – deydi II-bosqich doktoranti Yodgor Normatov. – Shu bois endilikda millatimiz faxri sanalmish Amir Temur bobokalonimiz haqidagi kitoblarni yanada qunt bilan o‘rganaman.
Temuriylar tarixi davlat muzeyiga tashrif buyurgan ilmi xodimlar buyuk ajdodlarimizning aql-zakovati, ijodkorligi, mard va jasurligi hamda tadbirkorligiga oid eksponatlarni ko‘rib yana bir bor uzoq moziyga sayohat qilgandek bo‘ldilar.
YER UNUMDORLIGI – HOSILDORLIK GAROVI!
- Tuproqshunoslik va agrokimyoviy tadqiqotlar instituti
- Yangiliklar
YER UNUMDORLIGI – HOSILDORLIK GAROVI!
Shu kunlarda Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar institutining bir guruh olimlari o‘zlariga biriktirilgan hududlarda 2023 yil hosili uchun puxta tayyorgarlik ko‘rish ishlarida faol ishtirok etishmoqda.
Ishchi guruh a’zolari tomonidan PQ - 179 qarori ijrosi bo‘yicha Surxondaryo viloyatining Jarqo‘rg‘on, Buxoro viloyatining Vobkent tumanlarida dehqon-fermer va klasterlarga kuzda qilinadigan asosiy ishlar haqida ma’ruzalar qilinmoqda. Dalaning o‘zida ko‘rgazmali seminarlar tashkil etilmoqda. Bunda dala chetiga kuchsiz shamol eroziyasiga uchragan yerlarga 2 va o‘rtacha, kuchli shamol eroziyasiga uchragan dalalarga 4 qator shamol yo‘nalishiga perpendikulyar, zig-zak qilib, exota daraxtzorlar (yashil makon) barpo qilish ishlari olib borilmoqda. Tuproqni organik moddaga boyitish uchun g‘o‘zapoyani dalaning o‘zida maydalab hamda go‘ng kiritish ishlari, tuproq zichligini kamaytirish, pulug tovonini, gleyli gipsli qatlamni yo‘qotish uchun shaxmat usulda chuqur yumshatish, yerni haydash, lazerli tekislash va sho‘ryuvish uchun pol olish ishlari ilmiy asosda ko‘rsatilib zaruriy tavsiyalar berildi.
Shuningdek, Institut olimlari tomonidan ushbu hududlarda O‘zbekiston Respublikasi Prezidenti huzuridagi Paxtachilik kengashi tomonidan 2022 yilning noyabr oyida kuzgi shudgorlash, o‘g‘itlash, sho‘r yuvish va urug‘liklarni tayyorlash (dorilash) ishlarining joriy holatini o‘rganish bo‘yicha ham muhim topshiriq va vazifalarni amalga oshirishmoqda.
Ushbu o‘rganish ishlarida Surxondaryo viloyati bo‘yicha «Tuproqlar biogeokimyosi, kimyoviy va fizik-kimyoviy holatini maqbullashtirish» bo‘limi mudiri Tolib Berdiev, Buxoro viloyati bo‘yicha «Tuproq monitoringi, ekologiyasi, unumdorligini baholash, va degradatsiyaga uchragan tuproqlar unumdorligini tiklash» bo‘limi katta ilmiy xodimi, biologiya fanlari falsafa doktori Aliyor Qoraevlar bevosita ishtirok etishmoqda.
ТУПРОҚШУНОСЛИК ВА АГРОКИМЁВИЙ ТАДҚИҚОТЛАР ИНСТИТУТИ
ТАЯНЧ ДОКТОРАНТУРА (PhD)
2023 йил учун қуйидаги ихтисосликлар бўйича имтиҳон кунини эълон қилади:
Таянч докторантурага (PhD):
03.00.13 - “Тупроқшунослик”
06.01.04 - “Агрокимё”
Имтиҳон куни: 2022 йил 18 ноябрда соат 14:00 да бошланади.
Имтиҳонлар Ўзбекистон Республикаси Вазирлар Маҳкамасининг 2017 йил 22 майдаги 304-сон Қарорининг 2-иловаси “Олий ўқув юртидан кейинги таълим тўғрисида Низом” асосида амалга оширилади.
Талабгорлардан қуйидаги манзилга ўз вақтида етиб келиб имтиҳонларда қатнашишлари талаб этилади.
Манзил: Тошкент вилояти, Қибрай тумани, “Ботаника” маҳалласи ЎзПИТИ кўчаси. ТАТИ
Телефонлар: (93) 524-07-85, (94) 656 23 93.
ТУПРОҚШУНОСЛИК ВА АГРОКИМЁВИЙ ТАДҚИҚОТЛАР ИНСТИТУТИ
ТАЯНЧ ДОКТОРАНТУРА (PhD)
2023 йил учун қуйидаги ихтисосликлар бўйича имтиҳон кунини эълон қилади:
Таянч докторантурага (PhD):
03.00.13 - “Тупроқшунослик”
06.01.04 - “Агрокимё”
Имтиҳон куни: 2022 йил 18 ноябрда соат 14:00 да бошланади.
Имтиҳонлар Ўзбекистон Республикаси Вазирлар Маҳкамасининг 2017 йил 22 майдаги 304-сон Қарорининг 2-иловаси “Олий ўқув юртидан кейинги таълим тўғрисида Низом” асосида амалга оширилади.
Талабгорлардан қуйидаги манзилга ўз вақтида етиб келиб имтиҳонларда қатнашишлари талаб этилади.
Манзил: Тошкент вилояти, Қибрай тумани, “Ботаника” маҳалласи ЎзПИТИ кўчаси. ТАТИ
Телефонлар: (93) 524-07-85, (94) 656 23 93.