Jizzaxda tuproq monitoring tadqiqot ishlari davom ettirilmoqda

Jizzax viloyatidan ajratib olingan 15 ta kalit maydonlardan 8 tasida, ya’ni lalmi va yaylov yer maydonlaridan tanlangan 8 ta “Statsionar ekologik maydonlar”(SEM) va 16 ta “Yarim statsionar ekologik maydonlar” (YaSEM) da (ja’mi 24 ta SEM va YaSEM) dala tuproq monitoring tadqiqotlari amalga oshirildi.

🔴 Dala ishlari davrida 40 ta asosiy kesmalar kovlanib (1,5 m), 200 ta tuproq namunasi olindi va kartogrammalar tuzish uchun konvert usulida har bir ekologik maydonchaning 5 ta joyida 0-30 smli qatlamdan tuproq namunalari olinib, aralashtirildi hamda 1 ta namuna sifatida olindi.

🔴 Shunda kartogrammalar uchun oliningan aralashgan namunalar soni 24 tani tashkil etdi. Ja’mi 224 ta tuproq namunalari olindi hamda 8 ta SEM da dala sharoitida tuproqni suv-fizik xususiyatlari o‘rganildi.

🔴Hozirgi kunga qadar viloyatning quyidagi hududlarida:

⏺Zomin tumani – Yangi chorvador massivi
⏺Baxmal tumani – Qo‘shchinor massivi
⏺Sharof Rashidov tumani – Yangihayot massivi
⏺G‘allaorol tumani – G‘allaorol massivi
⏺Forish tumani – Forish, Qizilqum va Bog‘don massivlarida tadqiqot ishlari amalga oshirildi.

Mazkur hududlarda tanlangan 8 ta SEM va 16 ta YaSEMlarda dala tadqiqotlari o‘tkazilib, kimyoviy tahlillar uchun tuproq namunalari olindi.

✅Monitoring tuproq tadqiqot ishlari reja grafigi asosida davom ettirilmoqda.

Joriy yilning 3-aprel sanasida Tuproqshunoslik va agrokimyoviy tadqiqotlar institutiga Islom Karimov nomidagi Toshkent davlat texnika universiteti Mexanika muhandisligi fakulteti “Xizmat ko‘rsatish texnikasi” kafedrasi dotsenti Jurayeva Gulchexra Shodiyevna hamda assistent Beketov Timur Kazakbayevich rahbarligida 2-kurs 61-24 guruh, Qishloq xo‘jaligini mexanizatsiyalashtirish ta’lim yo‘nalishi talabalari amaliy o‘quv mashg‘ulotlarini o‘tash uchun tashrif buyurishdi.

Institutning “Analitik sinov laboratoriyasi” bo‘limi mudirasi Xurshida Nuriddinova mazkur mashg‘ulot doirasida talabalarga tuproqshunoslik va agrokimyo yo‘nalishida faoliyat yuritayotgan laboratoriya sharoitlari, zamonaviy uskunalar va ilmiy-tadqiqot ishlarining amaliy jarayonlari bilan yaqindan tanishtirdi.

✅Tashrif davomida talabalar tuproq tahlili usullari, agrokimyoviy ko‘rsatkichlarni aniqlash hamda qishloq xo‘jaligida resurslardan samarali foydalanishga qaratilgan ilmiy yondashuvlar bo‘yicha ma’lumotlarga ega bo‘ldilar.

✅Ushbu amaliy mashg‘ulot talabalarning nazariy bilimlarini mustahkamlash, ularda amaliy ko‘nikmalarni shakllantirish va kelgusida yuqori malakali mutaxassislar tayyorlashga xizmat qiladi.

Yuldoshev Iskandar Qurbanazar o‘g‘lining 06.01.03 “Agrotuproqshunoslik va agrofizika” ixtisosligi bo‘yicha “Markaziy farg‘ona sug‘oriladigan o‘tloqi saz tuproqlarining agrofizikaviy xossalari va ularning tuz tartiboti” mavzusidagi Qishloq xo‘jaligi fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi Tuproqshunoslik va agrokimyoviy tadqiqotlar instituti huzuridagi ilmiy darajalar beruvchi DSc.08/2025.27.12.Qx.06.01 raqamli Ilmiy Kengashning 2026-yil 8-aprel kuni soat 14:00 dagi majlisida bo‘lib o‘tadi.

Manzil:  100179, Toshkent shahri, Olmazor tumani, Qamarniso ko‘chasi, 3-uy. Tuproqshunoslik va agrokimyoviy tadqiqotlar instituti.

Burxanova Nigora Hamid qizining 03.00.13 – “Tuproqshunoslik” ixtisosligi bo‘yicha “Zarafshonning quyi qismi sug‘oriladigan yerlarining tuproq-meliorativ holati va ularning qiyosiy tavsiflari” (Qorako‘l va Kogon tumanlari misolida) mavzusidagi biologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi Tuproqshunoslik va agrokimyoviy tadqiqotlar instituti DSc.08/2025.27.12.Qx.06.01 raqamli Ilmiy kengashning 2026-yil 8-aprel kuni soat 10:00 dagi majlisida bo‘lib o‘tadi.

Manzil: 100179, Toshkent shahar, Olmazor tumani, Qamarniso ko‘chasi, 3-uy. Tuproqshunoslik va agrokimyoviy tadqiqotlar instituti