Instituti huzuridagi DSc.25/30.12.2019.Qx/B.43.01 raqamli qishloq xo‘jalik va biologiya fanlari bo‘yicha fan doktori (DSc) va falsafa doktori (PhD) ilmiy darajalarini beruvchi Ilmiy Kengash qoshidagi ilmiy seminarning navbatdagi yig‘ilishi bo‘lib o‘tdi.

Yig‘ilishni biologiya fanlari doktori, professor N.Abduraxmonov olib bordi.

Yig‘ilishda Gulimov Quvondiq Xamzayevichning “Sug‘oriladigan va lalmi tuproqlarning xossalarini aniqlashda spektroskopiya usullaridan foydalanish asoslari (Parkent va Mirzaobod tumanlari misolida)” mavzusidagi 03.00.13 – “Tuproqshunoslik” ixtisosligi bo‘yicha falsafa doktori (PhD) ilmiy darajasini olish uchun taqdim etgan dissertatsiyasi ishining muhokamasiga bag‘ishlandi.

Yig‘ilishda talabgor dissertatsiya ishi yuzasidan amalga oshirilgan tadqiqotlari, ilmiy-amaliy ahamiyati, ilmiy yangiligi, xulosalari va ishlab chiqarishga tavsiyalari bilan kengash a’zolarini tanishtirdi.

Kengash a’zolari tomonidan dissertasiya yuzasidan savol-javoblar bo‘lib o‘tdi.

📌Muhokamalarda kengash a’zolari tomonidan talabgor Quvondiq Gulimovga taklif, tavsiyalar berildi va keying bosqichga o‘tishi ma’qullandi.

IMKONIYATDAN SAMARALI FOYDALANISH – TARAQQIYOT OMILI

🔴Tuproqshunoslik institutida kengaytirilgan yig‘ilish bo‘lib o‘tdi. Yig‘ilishni institut direktori Shuhrat Bobomurodov olib bordi.

Unda bo‘lim boshliqlari hamda mas’ul xodimlar ishtirok etdilar. Yig‘ilish avvalida Kun.uz sayti tomonidan tayyorlanishi rejalashtirilayotgan tuproq haqidagi film yuzasidan olib borilayotgan ishlar muhokama qilindi. Filmni tayyorlash jarayoni, tuproq ma’lumotlarini yetarliligi, tasvirga olish bosqichlari haqida axborot berildi.

🔴Shuningdek, yig‘ilishda tuproq laboratoriya ishlari natijalari yuzasidan ham alohida masala ko‘tarildi. Binoning ikkinchi qismini qayta rekonstruksiyadan chiqarish ishlariga to‘xtalib o‘tilib, bu boradagi kamchilik va vazifalar belgilab olindi.

🔴Kutubxona va arxiv faoliyati keskin tanqid qilinib, ularni tartibga solish, zamonaviy talablar asosida takomillashtirish bo‘yicha topshiriqlar berildi. Shu bilan birga, tuproq ma’lumotlar bazasini shakllantirish hamda gumus miqdorini oshirishga qaratilgan normativ xujjat va dastur ijrosi ham muhokama qilindi.

🔴Yig‘ilishda elektr energiyasi ta’minotini yaxshilash, xususan, quyosh panellarini o‘rnatish ishlarini jadallashtirish zarurligi ta’kidlandi. Institutda kitobxonlikni va sportni rivojlantirish, xodimlar va yoshlar uchun munosib shart-sharoitlar yaratish maqsadida kutubxona burchagi, stadion, stol tennisi hamda voleybol maydonchalarini tayyorlash va yaqin kunlarda foydalanishga topshirish vazifalari ham belgilab berildi.

🔴Yig‘ilish davomida xodimlarning ommaviy axborot vositalarida, xususan milliy ilmiy jurnallar hamda nufuzli xorijiy jurnallarda maqolalar nashr etish faolligi ancha sust ekanligi alohida ta’kidlandi. Bu borada ilmiy salohiyatdan to‘liq foydalanilmayotgani qayd etilib, tadqiqot natijalarini keng jamoatchilikka yetkazish, xalqaro ilmiy maydonda institut nufuzini oshirish maqsadida maqolalar soni va sifatini oshirish bo‘yicha tegishli chora-tadbirlar belgilab olindi.

🔊Shuningdek, yig‘ilish yakunida institutga tegishli bo‘lgan yer maydonlarini bo‘limlar kesimida samarali foydalanish uchun taqsimlash masalasi ham ko‘rib chiqildi va ijobiy hal etildi.

Amir_Temur
#690_yilligi

Tuproqshunoslik va agrokimyoviy tadqiqotlar institutida Sohibqiron Amir Temur tavalludining 690 yilligi munosabati bilan o‘tkazilgan ma’rifiy tadbir mazmunli va ta’sirchan tarzda tashkil etildi. Tadbir dastlab kuni kecha Prezidentimiz Shavkat Mirziyoyev tomonidan Amir Temur haykali poyiga gulchambar qo‘yilgani hamda Amir Temur muzeyi faoliyati bilan yaqindan tanishilganiga bag‘ishlangan qisqa metrajli videorolik namoyishi bilan boshlandi.

Shundan so‘ng, tarixchi olimalar va ijod ahli tomonidan Amir Temurning hayoti, davlatchilik faoliyati hamda uning boy ilmiy-badiiy merosi haqida qiziqarli va mazmunli taqdimotlarga navbat berildi.

Jumladan, O‘zMU “Tarix” fakulteti o‘qituvchilari — tarix fanlari doktori Sanobar Jo‘rayeva va tarix fanlari nomzodi Manzuraxon Baltabaeva tomonidan ma’ruzalar qilindi.

S. Jurayevaga ko‘ra, Amir Temur - tarixda nafaqat buyuk sarkarda, balki kuchli iroda va mustahkam ma’naviyat timsoli sifatida tanilgan shaxs. Uning hayoti mashaqqat, sinov va qattiq intizom bilan to‘lgan bo‘lib, bu jihatlar uning askarlari ruhiyatida ham yaqqol aks etgan. Va bu mashaqqatlar uni toblab, sabr-toqat, qat’iyat va strategik fikrlashini shakllantirgan. U har bir muvaffaqiyat ortida katta mehnat va intizom yotishini yaxshi anglagan.

Shuningdek, O‘zbekiston Yozuvchilar uyushmasi a’zosi, shoir va yozuvchi Nasrullo Ergash o‘z navbatida “Biz shu tuproqdan bunyod bo‘ldik, shu tuproq ustida yashayapmiz, u bizni boqmoqda, erta bir kun yana unga qaytajakmiz. U bizning ona Vatan!” - deya Amir Temur va uning ilmiy-badiiy meroslari haqida o‘z fikr mulohazalari bildirib, SOHIBQIRON haqidagi she’r namunalaridan o‘qib eshittirdi.

Bu shunday zot, uning shukuhі
Asrlarga tahlika solgan.
Bu shunday zot, hattoki ruhi
Urushlarni to'xtatib qolgan!

Bu shunday zot, qilichin kuchi
Zabt etolgan jahonni butun.
Bu shunday zot, haq so'zi uchun
Yopgan shoir yelkasiga toʻn!
***

Tadbir yakunida ishtirokchilar ham so‘zga chiqib, barcha qatnashchilarga o‘zlarining samimiy tilak va ezgu istaklarini bildirishdi. Bunday tadbirlar milliy merosimizni asrab-avaylash, uni kelajak avlodga yetkazish hamda yoshlarda vatanparvarlik va milliy g‘urur tuyg‘ularini mustahkamlashda muhim ahamiyat kasb etadi.

Jizzaxda tuproq monitoring tadqiqot ishlari davom ettirilmoqda

Jizzax viloyatidan ajratib olingan 15 ta kalit maydonlardan 8 tasida, ya’ni lalmi va yaylov yer maydonlaridan tanlangan 8 ta “Statsionar ekologik maydonlar”(SEM) va 16 ta “Yarim statsionar ekologik maydonlar” (YaSEM) da (ja’mi 24 ta SEM va YaSEM) dala tuproq monitoring tadqiqotlari amalga oshirildi.

🔴 Dala ishlari davrida 40 ta asosiy kesmalar kovlanib (1,5 m), 200 ta tuproq namunasi olindi va kartogrammalar tuzish uchun konvert usulida har bir ekologik maydonchaning 5 ta joyida 0-30 smli qatlamdan tuproq namunalari olinib, aralashtirildi hamda 1 ta namuna sifatida olindi.

🔴 Shunda kartogrammalar uchun oliningan aralashgan namunalar soni 24 tani tashkil etdi. Ja’mi 224 ta tuproq namunalari olindi hamda 8 ta SEM da dala sharoitida tuproqni suv-fizik xususiyatlari o‘rganildi.

🔴Hozirgi kunga qadar viloyatning quyidagi hududlarida:

⏺Zomin tumani – Yangi chorvador massivi
⏺Baxmal tumani – Qo‘shchinor massivi
⏺Sharof Rashidov tumani – Yangihayot massivi
⏺G‘allaorol tumani – G‘allaorol massivi
⏺Forish tumani – Forish, Qizilqum va Bog‘don massivlarida tadqiqot ishlari amalga oshirildi.

Mazkur hududlarda tanlangan 8 ta SEM va 16 ta YaSEMlarda dala tadqiqotlari o‘tkazilib, kimyoviy tahlillar uchun tuproq namunalari olindi.

✅Monitoring tuproq tadqiqot ishlari reja grafigi asosida davom ettirilmoqda.