Institut yangiliklari

Burxanova Nigora Hamid qizining 03.00.13 – “Tuproqshunoslik” ixtisosligi bo‘yicha “Zarafshonning quyi qismi sug‘oriladigan yerlarining tuproq-meliorativ holati va ularning qiyosiy tavsiflari” (Qorako‘l va Kogon tumanlari misolida) mavzusidagi biologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi Tuproqshunoslik va agrokimyoviy tadqiqotlar instituti DSc.08/2025.27.12.Qx.06.01 raqamli Ilmiy kengashning 2026-yil 8-aprel kuni soat 10:00 dagi majlisida bo‘lib o‘tadi.

Manzil: 100179, Toshkent shahar, Olmazor tumani, Qamarniso ko‘chasi, 3-uy. Tuproqshunoslik va agrokimyoviy tadqiqotlar instituti

AMALIY_LOYIHA

TADQIQOT_ISHLARI

Tuproqshunoslik va agrokimyoviy tadqiqotlar institutining bir guruh olimlari tomonidan Innovatsion rivojlanish agentligi tomonidan moliyalashtirilgan ALM-9124093792 "SUG‘ORISH EROZIYASI JARAYONIDA TUPROQDAGI ORGANIK MODDALARNI YUVILISHINI OLDINI OLISHGA QARATILGAN AGROTEXNOLOGIYA ISHLAB CHIQISH" nomli amaliy loyiha doirasida Namangan viloyati Pop tumani “Ibroxim ota” fermer xo‘jaligida dala ishlari olib borilmoqda.

Pop tumani hududidagi Xudayberganov nomli massiv “Ibroxim ota” fermer xo‘jaligida tarqalgan sug‘orish eroziyasiga moyil bo‘lgan sug‘oriladigan sur tusli qo‘ng‘ir tuproqlardan iborat.

Loyiha rahbari Nazimxon Qalandarovga ko‘ra, - tuproq yuzasini doimiy ekin bilan qoplab turish orqali organik moddalarni yuvilishini oldini olish maqsadida kuzda sederat ekinlari ekish yuqori samara beradi. Ushbu tanlangan hududda g‘alla va oraliq ekindan keyin chigit ekulguncha sug’orish eroziyasini oldini olish hamda tuproqni qo‘shimcha organik moddalarga boyitish maqsadida sederat ekinlari ekildi.

Bu esa o‘z navbatida haydash natijasida uning ko‘k massasi va ildiz qoldiqlari tuproqda agregatlar va suvga chidamli makro- va mikroagregatlar miqdorini ortishiga olib kelishi hamda g‘o‘zani vegetatsiya davrida sug‘orishda tuproq zarrachalari, gumus va oziqa moddalarini yuvilishini kamaytiradi.

Umuman olganda bu kabi amaliy loyihalar barqaror rivojlanish tamoyillarini amalga oshirishga xizmat qiladi. Qishloq xo‘jaligida yangi innovatsion texnologiyalarni joriy etishga ham turtki beradi. Tabiiy resurslardan oqilona foydalanish, atrof-muhitni muhofaza qilish oziq-ovqat xavfsizligini ta’minlash, ekologik muammolarni hal qilish va iqtisodiy taraqqiyotni qo‘llab-quvvatlashda muhim ahamiyat kasb etadi.

ILM AMALIYOT BILAN UYG‘UNLASHGAN TAQDIRDAGINA KUTILGAN NATIJAGA ERISHISH MUMKIN

Bugun Tuproqshunoslik va agrokimyoviy tadqiqotlar institutida kengaytirilgan yig‘ilish o‘tkazildi.

Мazkur yig‘ilish Qishloq xo‘jaligi vaziri Ibrohim Abdurahmonov rahbarligida qishloq xo‘jaligida ilm-fan va innovatsiya yo‘nalishida amalga oshirilayotgan ishlar tahliliga bag‘ishlangan yig‘ilishda tizim tashkilotlari uchun dolzarb masalalar yuzasidan  belgilab berilgan vazifalar va ular ijrosini ta’minlash xususida bo‘lib o‘tdi.

Institut direktori Sh. Bobomurodov yig‘ilishda, avvalo, sohada ishlarni tizimli yo‘lga qo‘ygan holda, tezkorlik bilan amaliy ishlarga o‘tish kerakligi, bunda har bir mas’ul o‘ziga yuklatilgan vazifani sidqidildan bajarish lozimligi qayd etdi.

Yig‘ilishda ilmiy-tadqiqot natijalarining xo‘jaliklarga yetarlicha tatbiq etilmayotgani, ayrim hollarda ushbu ilmiy natijalarni joylarda amaliyotga joriy etishda uzilishlar kuzatilayotgani, laboratoriya tahlillari natijalari asosida aniq amaliy tavsiyalar ishlab chiqish zarurati, ilmiy muassasalar va ishlab chiqarish o‘rtasidagi hamkorlikni kuchaytirish lozimligi, axborot va tushuntirish ishlari, mutaxassislar va fermerlar uchun seminar-treninglar o‘tkazish, metodik qo‘llanmalardan kengroq foydalanish va xabardorlikni oshirish, bajarilgan ishlar xususida OAV lari respublika gazeta va nufuzli jurnallarda maqolalar chop etish masalalari alohida ta’kidlandi.

Shuhrat Bobomurodovga ko‘ra, ilm amaliyot bilan uyg‘unlashgan taqdirdagina kutilgan natijaga erishish mumkin. Ilmni amaliyotga tatbiq etish — bu faqatgina tavsiya berish emas, balki natijaga yo‘naltirilgan tizimli faoliyatdir. Tuproqshunoslik sohasida olib borilayotgan har bir ilmiy tadqiqot yer unumdorligini saqlash va oshirishga, qishloq xo‘jaligining barqaror rivojlanishiga xizmat qilishi zarur.

Shuningdek, institutning 2026 yil uchun hududlar kesimida aniq ustuvor yo‘nalishlarni belgilash chora-tadbirlar rejasini ishlab chiqish va buning uchun mas’ul ijrochilarning ijro muddatlarni tasdiqlash, har chorakda tahliliy hisobot tayyorlash, muddatli hisobotlarni o‘z vaqtida taqdim etish, xodimlar uchun o‘quv-seminarlar tashkil etish, bugundan boshlab har bir bo‘lim o‘z yo‘nalishida ilmiy ishlanmalarni amaliyotga joriy etish bo‘yicha amaliy sinov maydonlarini tashkil etish, fermer xo‘jaliklari bilan hamkorlikda tajriba maydonlarini yaratish kabi istiqbolli vazifalar belgilandi.

KUTILAYOTGAN TADBIRLAR

JUMAYEV SHAVKAT XASANOVICHning qishloq xo‘jaligi fanlari bo‘yicha falsafa doktori (PhD) dissertasiya ishi himoyasi to‘g‘risida

«G‘O‘ZANING ISTIQBOLLI VA YANGI RAYONLASHGAN NAVLARIGA MINYERAL O‘G‘ITLARNING MAQBUL ME’YOR VA NISBATLARNI ISHLAB CHIQISH» mavzusida

Jumayev Shavkat Xasanovichning 06.01.04-«Agrokimyo» ixtisosligi bo‘yicha «G‘o‘zaning istiqbolli va yangi rayonlashgan navlariga minyeral o‘g‘itlarning maqbul me’yor va nisbatlarni ishlab chiqish»mavzusidagi qishloq xo‘jaligi fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi Tuproqshunoslik va agrokimyoviy tadqiqotlar instituti huzuridagi ilmiy darajalar beruvchi DSc.08/2025.27.12.Qx.06.01 raqamli Ilmiy Kengashning 2026-yil 25-fevral soat 14:00 dagi majlisida bo‘lib o‘tadi.

Manzil: 100179, Toshkent shahri, Olmazor tumani, Qamarniso ko‘chasi, 3-uy.