Institut yangiliklari

     So‘nggi yillarda Tuproqshunoslik va agrokimyoviy tadqiqotlar instituti Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) bilan o‘zaro hamkorlik memorandumlar, qo‘shma dasturlar va loyihalar birgalikda amalga oshirilib kelinmoqda.

     Bugun institutda «O‘zbekistonda qurg‘oqchilikga uchragan ekotizimlardagi yaylovlar va o‘rmonlarni barqaror boshqarish» hamkorlik loyihasi bo‘yicha  tashkiloti mutaxassisi B. Haitov, institut bo‘lim mudiri Z. Baxodirovlar ishtirokida seminar trening o‘tkazildi.

     Seminarda loyiha doirasida tanlab olingan hududlarda ya’ni Buxoro hamda Navoiy viloyatlarida yerdan foydalanuvchilarga, yer unumdorligi va tuproqdagi organik uglerodni har tomonlama dastlabki baholash va xaritalashni o‘tkazish, degradatsiyaga qarshi kurashish, tuproq unumdorligini noqulay ta’sirlarga chidamliligini oshirish, iqlim o‘zgarishi muammolarini hal qilish, tuproq holatini yaxshilashga hamda oziq-ovqat xavfsizligini oshirish kabi masalalar muhokama qilindi.

     So‘nggi yillarda mamlakatimiz qishloq xo‘jaligi sohasida Koreya davlati bilan hamkorlik tobora rivojlanib bormoqda. Qishloq xo‘jaligi sohasidagi hamkorlikni mustahkamlash, shu jumladan, ikki davlat o‘rtasidagi aloqalarni kengaytirish orqali yerdan foydalanuvchilar, dehqon fermer xo‘jaliklari faoliyatlarini rivojlantirish bo‘yicha ko‘plab qo‘shma loyihalar imzolanmoqda.

     Bugun Koreya davlatidan Kyumi Ahn KREI boshchiligida bir guruh delegatsiya a’zolari Tuproqshunoslik va agrokimyoviy tadqiqotlar institutiga tashrif buyurishdi.

     Uchrashuvda delegatsiya a’zolari Ilmiy ishlar va innovatsiyalar bo‘yicha direktor o‘rinbosari, Nodirjon Abduraxmonov, bo‘lim boshlig‘i Zafar Bahodirov hamda institut mas’ullari bilan sohada samaradorlikni boshqarish (xalqaro rivojlanish monitoringi va baholash) ODA loyihasining missiyasi “AKTga asoslangan yerdan foydalanish salohiyatini kuchaytirish Nou-xau va O‘zbekistonda qishloq xo‘jaligi ma’lumotlar bazasini mustahkamlash borasida muhokamalar o‘tkazildi.

     Kuni kecha Tuproqshunoslik va agrokimyoviy tadqiqotlar institutining faoliyati O‘zbekiston Respublikasi Oliy Majlisi Qonunchilik palatasining Agrar va suv xo‘jaligi masalalari qo‘mitasi tashabbusi bilan Tuproqshunoslik va agrokimyoviy tadqiqotlar institutining Andijon mintaqaviy bo'linmasida «Tuproq holatini yaxshilash va uning unumdorligini oshirishda tuproqshunoslik va agrokimyoviy tadqiqotlarning o‘rni» mavzusida bo‘lib o‘tgan seminardan fotolavhalar.

     Tadbir qatnashchilari Andijon mintaqaviy bo'linmasi tomonidan olib borilayotgan ilmiy-amaliy ishlar ya’ni tuproqshunos mutaxasislar tomonidan tuproq kesmalarini olish, laboratoriya sharoitida tahlillarga tayyorlash, kimyoviy tahlillardan o‘tkazish, tahlil natijalarini jamlash, tahlil natijalari asosida raqamli xaritalar tuzish, konturlar kesimida ilmiy tavsiyalar berish va elektron raqamli xaritalarni qishloq xo‘jaligi vazirligi geopartaliga kiritish kabi ilmiy-amaliy ish jarayonlari bilan yaqindan tanishish bilan birga yerdan foydalanuvchi dehqon va fermer xo‘jaliklari hamda ishlab chiqarish korxona rahbarlari bilan muloqotda bo‘lishdi.

     Shu kunlarda mamlakatimizga bo'lib turgan Xitoy Xalq Respublikasi Geografiya fanlari va tabiiy resurslar tadqiqot instituti professori Li Fadong boshchiligidagi delegatsiya a’zolari bugun Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar institutiga tashrif buyurishdi.

⏳Kunning birinchi yarmida institut direktori Shuhrat Bobomurodov, Ilmiy ishlar va innovatsiyalar bo‘yicha direktor o‘rinbosari Nodirjon Abduraxmonov hamda institut olimlari bilan bo‘lib o‘tgan rasmiy uchrashuvda bugungi global iqlim o‘zgarishi davrida qishloq xo‘jaligi yerlaridan unumli foydalanish, tuproq unumdorligini oshirishning ilmiy asoslarini yanada chuqurroq o‘rganish uchun tajriba almashish, sohada mavjud muammolarning yechimini birgalikda hal etish, qishloq xo‘jaligi yerlarini raqamlashtirish, ulardan maqsadli va samarali foydalanish, yer resurslarini boshqarish, shuningdek ilmiy faoliyatni rivojlantirish bo‘yicha ikki tomonlama hamkorlik masalalari muhokama qilindi. Uchrashuv davomida delegatsiya a’zolari institut faoliyati bilan yaqindan tanishishdi.

❗️Ma’lumot uchun: Bugun kunning ikkinchi yarmida instiutning katta majlislar zalida professor Li Fadong va assistent-professor Peifang Lenglar tomonidan seminar trening bo'lib o'tishi rejalashtirilgan.