ЯПОН МУТАХАССИСЛАРИ БИЛАН УЧРАШУВ ЎТКАЗИЛДИ
- Tuproqshunoslik va agrokimyoviy tadqiqotlar instituti
- Yangiliklar
Ўзбекистон ва Япония Республикаси ўртасида турли соҳалардаги ҳамкорлик изчил, жадал ва самарали ривожланиб бормоқда. Шу жумладан қишлоқ хўжалиги тизимида ҳам.
Қишлоқ хўжалиги вазирлиги ҳузуридаги Тупроқшунослик ва агрокимёвий тадқиқотлар институтида бўлиб ўтган учрашувда асосий эътибор соҳадаги ҳамкорлик масалаларига қаратилди.
Институт Бош директори Шуҳрат Бобомуродов ва институт масъул ходимлари ҳамда Япония давлатидан ташриф буюрган “Japan Conservation Engineers&Co.”, LTD. фирмаси вакиллари - ёрдамчи менеджери Ёшида Казуйо (Yoshida Kazuyo), Тупроқ бўйича маслаҳатчи, профессионал инженер Уэно Наоя (Ueno Naoya), маҳаллий консультант Ғайрат Жумаев билан соҳавий ҳамкорлик юзасидан учрашуви бўлиб ўтди.
Давра суҳбати иштирокчилари “Japan Conservation Engineers&Co.”, LTD. фирмаси вакиллари илгари сураётган Японияда ишлаб чиқилган ва бир нечта давлатларда синовдан ўтказилган Фужимин (Fujimin) – препаратини шўрланган тупроқлар мелиоратив ҳолатини яхшилашда фойдали томонлари ҳақида шунингдек бу борада ҳамкорликни тўғри йўлга қўйиш тўғрисида сўз юритилди.
Мазкур учрашув якунида томонлар ўртасида ҳамкорлик меморандуми имзолаш ва келажакда биргаликда лойиҳаларни амалга ошириш режалаштирилди.
TIRIKLIK MANBAI TUPROQNING TIPLARI VA O‘ZIGA XOSLIGI
- Tuproqshunoslik va agrokimyoviy tadqiqotlar instituti
- Yangiliklar
Tuproq— bu tabiiy jism bo‘lib, qishloq xo‘jaligida ishlab chiqarishning asosiy vositasi hisoblanadi.
Respublikaning qishloq xo‘jaligi sohasida 28 tipdagi tuproqlar mavjud bo‘lib, shundan 22 tasidan ko‘proq, qolgan 6 tipidan esa juda kam foydalaniladi.
✅Respublikadagi tuproqlar va ularning xususiyatlari haqida batafsil.
(https://www.agro.uz/11-0297/)
👉Obuna bo'ling: https://t.me/taiti_soil
WWW (https://www.agro.uz/) /TELEGRAM (https://t.me/uzagroministry) /FACEBOOK (https://www.facebook.com/agrouzbekistan/)
YOUTUBE (https://www.youtube.com/c/QISHLOQXOJALIGIVAZIRLIGI) /INSTAG
НАВБАТДАГИ ИЛМИЙ СЕМИНАР ЎТКАЗИЛДИ
- Tuproqshunoslik va agrokimyoviy tadqiqotlar instituti
- Yangiliklar
Бугун Тупроқшунослик ва агрокимёвий тадқиқотлар институти мажлислар залида институт ҳузуридаги DSc.25/30.12.2019.Qx/B.43.01 рақамли қишлоқ хўжалик ва биология фанлари бўйича фан доктори (DSc) ва фалсафа доктори (PhD) илмий даражаларини берувчи Илмий кенгаш қошидаги илмий семинарининг навбатдаги йиғилиши бўлиб ўтди. Йиғилишда Илмий семинар кенгаш аъзолари, профессор ҳамда катта илмий ходимлар иштирок этди. Ушбу йиғилишни Илмий семинар кенгаши раиси биология фанлари доктори Н.Ю.Абдурахмонов олиб борди.
Йиғилиш кун тартибига кўра, институт «Тупроқлар биогеокимёси ва минералогияси» бўлими кичик илмий ходими Отабек Қорабеков Гулмуротовичнинг «Гидроморф тупроқларнинг гумусли ҳолати, кимёвий, физик-кимёвий хоссалари ва унумдорлиги» (Тошкент ва Мирзачўл воҳалари мисолида) мавзусидаги 03.00.13. - «Тупроқшунослик» ихтисослиги йўналишида биология фанлари бўйича фалсафа доктори (PhD) илмий даражасини олиш учун тақдим этган диссертация иши муҳокамасига бағишланди.
Мазкур йиғилишда О.Қорабеков диссертация ишини долзарблиги, илмий-амалий аҳамияти, илмий янгилиги муҳим илмий хулосалари ва ишлаб чиқаришга тавсиялари билан Илмий семинар кенгаш аъзоларини таништирди.
Шундан сўнг кенгаш аъзолари ва йиғилганлар томонидан диссертация иши юзасидан савол-жавоблар бўлиб ўтди. Муҳокамада Илмий семинар кенгаши раиси ва кенгаш аъзолари томонидан муҳокама қилиниб, тегишли кўрсатмалар берилди ва кейинги босқичга тавсия этилди.
Ушбу навбатдаги Илмий семинар кенгаш иши онлайн ва оффлайн шаклида юқори савияда бўлиб ўтди.
O‘QUV MASHG‘ULOTLARI
- Tuproqshunoslik va agrokimyoviy tadqiqotlar instituti
- Yangiliklar
📚LOTIN YOZUVIGA ASOSLANGAN O‘ZBEK ALIFBOSIDA ISH YURITISH BO‘YICHA O‘QUV MASHG‘ULOTLARIDAN FOTOLAVHALAR
🔰Bugun Qishloq xo‘jaligi vazirligi xuzuridagi Tuproqshunoslik va agrokimyoviy tadqiqotlar instituti xodimlari uchun “Lotin yozuviga asoslangan o‘zbek alifbosida ish yuritish asoslari” mavzusida o‘quv mashg‘ulotlari bo‘lib o‘tdi.
O‘quv mashg‘ulotlari Toshkent davlat agrar universiteti O‘zbek tili va adabiyoti kafedrasi professor-o‘qituvchilari tomonidan o‘tkazildi.
✅Institut rahbariyati tomonidan mashg‘ulotlar haftaning har juma kuni “Ma’naviyat va ma’rifat” xonasida bo‘lib o‘tishi rejalashtirilgan. Shu kungacha o‘quv darsliklari Toshkent davlat agrar universiteti O‘zbek tili va adabiyoti kafedrasi professor-o‘qituvchilari tomonidan tayyorlangan 20 soatlik video darsliklaridan foydalanilib kelinmoqda.
Bugungi tilshunos olimlarining o‘zlari bevosita ishtirok etgan uchrashuvning yana bir muhim jihati aynan institut xodimlarining lotin yozuviga asoslangan o‘zbek alifbosida ish yuritish asoslari bo‘yicha savollariga echim topish bilan oʼtdi.
ИНСТИТУТ ҲУЗУРИДАГИ ИХТИСОСЛАШГАН ИЛМИЙ КЕНГАШНИНГ МАЖЛИСИ ЎТКАЗИЛДИ
- Tuproqshunoslik va agrokimyoviy tadqiqotlar instituti
- Yangiliklar
Тупроқшунослик ва агрокимёвий тадқиқотлар институти мажлислар залида институт ҳузуридаги DSc.25/30.12.2019.Qx/B.43.01 рақамли қишлоқ хўжалик ва биология фанлари бўйича фан доктори (DSc) ва фалсафа доктори (PhD) илмий даражаларини берувчи Илмий кенгаш мажлиси бўлиб ўтди. Йиғилишда Илмий кенгаш аъзолари, профессор ҳамда катта илмий ходимлар иштирок этди. Ушбу йиғилишни Илмий кенгаши раиси биология фанлари доктори Ш.Бобомуродов олиб борди.
Илмий кенгаш мажлиси кун тартибига кўра, Арзымбетов Алишер Жолымбетовичнинг «Жанубий Оролбўйи суғориладиган тупроқларининг экологик-мелиоратив ҳолати ва унумдорлигини яхшилаш» (Хўжайли ва Тахиатош туманлари мисолида) мавзусидаги 06.01.03-«Агротупроқшунослик ва агрофизика» ихтисослиги қишлоқ хўжалиги фанлари бўйича фалсафа доктори (PhD) илмий даражасини олиш учун тақдим этган диссертация ишининг муҳокамасига бағишланди.
Маскур йиғилишда А.Арзымбетов диссертация ишини долзарблиги, илмий-амалий аҳамияти, илмий янгилиги, муҳим илмий хулосалари ва ишлаб чиқаришга тавсиялари билан кенгаш аъзоларини таништирди.
Шундан сўнг кенгаш аъзолари ва йиғилганлар томонидан диссертациялар юзасидан савол-жавоблар бўлиб ўтди. Муҳокамаларда Илмий кенгаш ва кенгаш аъзолари томонидан талабгорларга таклиф, тавсиялар берилди.
Ушбу мажлисда Илмий кенгаш томонидан диссертантнинг илмий даража олиш учун тайёрлаган диссертация иши ҳимояси учун Арзымбетов Алишер Жолымбетовичга фалсафа доктори (PhD) илмий даражасини беришга қарор қабул қилинди.
Илмий кенгаш мажлиси иши онлайн ва оффлайн шаклида бўлиб ўтди.