Shu kunlarda qishloq xo‘jaligi sohasida ishlar qizg‘in davom etmoqda. Jumladan tuproqshunoslik yo‘nalishi bo‘yicha ham barcha tizim tashkilotlari qatorida muhim amaliy tadqiqot ishlari olib borilmoqda.
O‘zbekiston Respublikasi Vazirlar Mahkamasining “Tuproq monitoringini amalga oshirish hamda tuproqning unumdor qatlamini aniqlash tartibini takomillashtirish chora-tadbirlari to‘g‘risida”gi № 33-son qarori ijrosini ta’minlash maqsadida institutning Tuproq monitoringi, ekologiyasi, unumdorligini baholash va degradatsiyaga uchragan tuproqlar unumdorligini tiklash bo‘limi mudiri Nazimxon Qalandarov boshchiligidagi bir guruh olimlar Namangan viloyatida tuproqlar monitoringi bo‘yicha dala tadqiqot ishlarini amalga oshirishmoqda.
Tuproqshunoslik va agrokimyoviy tadqiqotlar instituti olimlari tomonidan ushbu tumanlarda tanlangan 15 ta kalit maydonlar (SEM va YaSEM)da tuproq melioratsiyasi, tuproq eroziyasi, tuproq agrokimyosi, og‘ir metallar, zaharli moddalar, pestitsidlar, radionuklidlar qoldiq miqdorlari konsentratsiyasi va boshqa ko‘rsatkichlari, tuproq unumdorligi va ekologik holatini aniqlash bo‘yicha dala tadqiqotlari olib borish maqsad qilingan.
Olingan tuproq namunalari laboratoriya – kameral ishlar bosqichlarida o‘tgandan so‘ng tuproq tahlil natijalari o‘tgan davr mobaynida bajarilgan izlanishlar, laboratoriya tadqiqotlari ma’lumotlarini hisobga olingan holida umumlashtiriladi, tahlil qilinib, aniqlangan salbiy jarayonlar bo‘yicha xulosa va tavsiyalar ishlab chiqiladi.
Tuproq monitoringi o‘tkazilib, unumdor qatlami aniqlanadi
- Tuproqshunoslik va agrokimyoviy tadqiqotlar instituti
- Yangiliklar
 |
 |
 |
 |
Bugun Tuproqshunoslik va agrokimyoviy tadqiqotlar institutida navbatdagi siyosiy ma’rifat soati bo‘lib o‘tdi.
- Tuproqshunoslik va agrokimyoviy tadqiqotlar instituti
- Yangiliklar
 |
 |
 |
 |
Mazkur ma’rifat soatida institutning barcha rahbar va ishchi xodimlar uchun O‘zbekiston Respublikasi Prezidenti Sh.M.Mirziyoyev raisligida joriy yilning 16-iyun kuni islohotlar natijadorligi, hududlarda ishlarning borishi va aholini qiynayotgan masalalar tahlili bo‘yicha videoselektor yig‘ilishi tafsilotlari va unda davlatimiz rahbari tomonidan qo‘yilgan vazifalar batafsil bayon etilgan “O‘zbekiston-24” telekanali axborot ko‘rsatuvining to‘liq hajmdagi elektron varianti namoyish etildi.
OCHIQ DALADA TUPROQ MUHITI VA UNING UNUMDORLIGINI SAQLASH HAMDA QAYTA TIKLASH
- Tuproqshunoslik va agrokimyoviy tadqiqotlar instituti
- Yangiliklar
 |
Tuproq sog‘lomligini qo‘llab-quvvatlashning 2 muhim yo‘li quyidagilardan iborat:
- Tuproq unumdorligini ta’minlash.
- Tuproqni eroziyadan va uning yuzasidan namlikning bug‘lanib ketishidan saqlash.
Bu ikki yo‘l tuproq zahiralarini himoyalashning asosi hisoblanadi. Buning uchun zahiralarning sarflanib ketishiga olib kelmaydigan ishlab chiqarish tizimlari talab etiladi. Qayta tiklash bilan bog‘liq qishloq xo‘jaligi chora-tadbirlari tuproqning unumdorligini va hosildorligini, shuningdek, uning suv toshqini va qurg‘oqchilikka chidamliligini oshirishi mumkin.
Qayta tiklash chora-tadbirlari quyidagilardan iborat:
-tuproqqa mexanik ishlov berilishini bosqichma-bosqich kamaytirish;
-turli xil ekinlarni intensiv almashlab ekishni qo‘llash va shu orqali tirik ildizlarni saqlab qolish hamda funksional jarayonlar (chirish va ozuqa moddalari doiraviy aylanishi) uchun mas’ul bo‘lgan tuproq organizmlarini ozuqa bilan ta’minlashdir.
Dalada yil bo‘yi ekinlar yetishtirish yoki doimiy ekinlar bo‘lishini yoxud hech bo‘lmaganda, tuproqning boshqa organik qoldiqlar bilan yil davomida qoplanib turishini ta’minlash. Bunda tuproqni jazirama, jala va shamol ta’siridan muhofaza qilish uchun uning bir tekisda qoplanib turishi (o‘simlik qoldiqlarining bir tekisda taqsimlanishi)ga erishish zarur. Bunday yondashuv tuproqning qayta tiklanishi va yaxshilanishiga yordam beradi hamda eroziya tufayli yo‘qotilishining oldi olinadi.
Odatda, organik moddalarning yuza qatlami bilan himoyalangan tuproq yog‘ingarchilikni yaxshiroq singdiradi va undan unumli foydalanadi, chunki uning suvni o‘ziga tortishi va singishi imkoniyatlari ortadi, shuningdek, tuproq yuzasidan suvning bug‘lanishi kamayadi. Bu suvning yuzlama oqishini, tuproq eroziyasini kamaytiradi va himoyasiz qoldirilgan hamda buzilgan tuproqlardan farqli o‘laroq, tuproqning namligi butun mavsum davomida saqlanib turishini ta’minlaydi.
Davra suhbati
- Tuproqshunoslik va agrokimyoviy tadqiqotlar instituti
- Yangiliklar
 |
 |
 |
Qoraqalpog’iston Respublikasining Nukus shahrida “O‘zbekistonda iqlim o‘zgarishi sharoitida aqlli qishloq xo‘jaligi” (Climate Smart Agriculture in Uzbekistan) mavzusida davra suhbati faoliyatini boshladi.
Qishloq xo‘jaligi vazirligi, Jahon banki hamda Qoraqalpog‘iston qishloq xo‘jaligi va agrotexnologiyalar instituti hamkorligida o’tkazilayotgan mazkur tadbirda Tuproqshunoslik va agrokimyoviy tadqiqotlar instituti xodimlari ham faol ishtirok etishmoqda.
Ushbu tadbir doirasida iqlim o‘zgarishiga moslashish, aqlli qishloq xo‘jaligi amaliyotlari va Orolbo‘yida agro-ekotizim yaratish masalalari muhokama qilinmoqda.
Davra suhbati ishtirokchilari tomonidan muhokama etilayotgan masalalar bugungi kun uchun dolzarbligini alohida ta’kidlab, ushbu yo’nalishlarda ilmiy loyihalarni ko’paytirish, xalqaro hamkorlikni yanada kengaytirish bo’yicha takliflar ilgari surildi.
