Institut yangiliklari

Xabar berib borganimizdek institutning qishloq xo‘jalik va biologiya fanlari bo‘yicha fan doktori (DSc) va falsafa doktori (PhD) ilmiy darajalarini beruvchi Ilmiy Kengashning navbatdagi yig‘ilishi bo‘lib o‘tdi.

Yig‘ilishni Institut huziridagi ixtisoslashgan Ilmiy kengashni kengash raisi biologiya fanlari doktori Sh. Bobomurodov olib bordi.

Yig‘ilishda  J. Xobirushmurodovning «SUG‘ORILADIGAN TUPROQLARNING AGROEKOLOGIK HOLATI, MOSH VA LOVIYA EKINLARIDA OG‘IR METALLARNING AKKUMULYATSIYASI» (Nurobod tumani tuproqlari misolida) mavzusidagi 06.01.04-«Agrokimyo» ixtisosligi q.x.f. falsafa doktori (PhD) ilmiy darajasini olish uchun taqdim etgan dissertatsiyasi ishining muhokamasi o‘tkazildi.

Talabgor tadqiqot ishining dolzarbligi, ilmiy-amaliy ahamiyati, ilmiy yangiligi, xulosalari va ishlab chiqarishga tavsiyalari bilan kengash a’zolarini tanishtirdi.

Muhokamalarda Ilmiy kengash tomonidan J.Xushmurodovning dissertatsiya ishi OAK talablariga to‘liq javob berishi ma’qulandi.

“9-may – Xotira va qadrlash kuni” munosabati bilan bayram tadbiri tashkil etildi.

Har yili 9-may mamlakatimizda “Xotira va qadrlash kuni” bayrami chuqur hurmat bilan keng nishonlanadi. Bu sana – ona yurt ozodligi va tinchligi yo‘lida jonini fido qilgan ajdodlarimiz xotirasini e’zozlash, ularning jasorat va fidoyiligini yodga olish, shuningdek, Vatan taraqqiyotiga ulkan hissa qo‘shgan yurtdoshlarimizni qadrlash timsolidir. Bu kun nafaqat o‘tmishga hurmat, balki kelajak avlodni vatanparvarlik, insoniylik, sadoqat va ustozlarga hurmat ruhida tarbiyalashda muhim ma’naviy omil bo‘lib xizmat qiladi. Bayram kunlari kishilar uzoq-yaqinda yashovchi yaqinlarini holidan xabar oladilar, katta yoshli ustozlarni ziyorat qiladilar va ularga alohida izzat ko‘rsatiladi.

Bugun ana shunday ezgu sa’y-harakatlarining amaliy ifodasi Tuproqshunoslik va agrokimyoviy tadqiqotlar institutida “Xotira va qadrlash kuni”ga bag‘ishlangan ma’naviy tadbirda namoyon bo‘ldi.

Tadbir marosimida institut rahbariyati, faxriy ustozlar, olimlar, yosh ilmiy xodimlar, doktorantlar hamda keng jamoatchilik vakillari ishtirok etdi.

Institutda “Xotira va qadrlash kuni” munosabati bilan bayram dasturxoni tashkil etildi. Bu yerda uzoq yillar davomida tuproqshunoslik sohasi rivojiga o‘z mehnatlari bilan hissa qo‘shgan mehmonlar, aziz ustozlarni kutib olish marosimi bilan boshlanib, rasmiy ochilish nutqlari va samimiy tabrik so‘zlari bilan davom etdi.

Institut tomonidan tashkil etilgan ushbu tadbir bugungi tinch va farovon hayotimiz uchun fidokorona xizmat qilgan ajdodlarga hurmat va ehtirom ko‘rsatish, yoshlar qalbida vatanparvarlik, insoniylik, ilmga va ustozga hurmat ruhini shakllantirishda ahamiyatlidir.

9-may “Xotira va qadrlash kuni” bayram tadbiri ishtirokchilarda chuqur taassurot qoldirdi.

Bugun Tuproqshunoslik va agrokimyoviy tadqiqotlar institutida 9-may “Xotira va qadrlash kuni”ga bag‘ishlangan ma’naviy tadbir tashkil etildi.

 

Mazkur tadbirda Respublika Ma’naviyat va ma’rifat markazi huzuridagi Ijtimoiy-ma’naviy tadqiqotlar instituti tomonidan ikkinchi jahon urushida qozonilgan g‘alabaning 80 yilligiga bag‘ishlab tayyorlangan “Vatan ravnaqi, tinchligi va himoyasi yo‘lidagi qahramonlik unutilmaydi” mavzusidagi taqdimot materiallaridan foydalanilib yig‘ilish qatnashchilariga ikkinchi jahon urushi haqidagi ma’lumotlar taqdim etildi.

Darhaqiqat ushbu bayram keng ma’noga ega bo‘lib, u mustaqil O‘zbekistonda asrlar davomida qahramona, o‘lkamizni himoya qilgan, uning erkinligi, mustaqilligi va xalqining tinchligi uchun kurashgan vatandoshlar xotirasiga bag‘ishlanish bilan bir qatorda u umumxalq xotirasi va insonni qadrlash kuni hamdir. Xotira va qadrlash kuni chinakam milliy-umumxalq bayramidir, bu kunlari kishilar uzoq-yaqinda yashovchi yaqinlarini holidan xabar oladilar, katta yoshlilarni ziyorat qiladilar va ularga alohida izzat ko‘rsatiladi.

 

KOREYA DAVLATI BILAN TUPROQLARNI BOSHQARISHDA HAMKORLIKDAGI

YANGI LOYIHALAR MUHOKAMA QILINDI

 Bugun Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar institutiga Koreya qishloq xo'jaligi birlashmasi korporatsiyasining KRC (Korea Rural Cooperation) Ozbekistondagi vakili Jang Jeongryeol, qishloq xo‘jaligi vazirligi “Agrokosmik texnologiyalarni joriy qilish” bo‘limi boshlig‘i, Bobomurod Maqsudov hamda bir guruh qishloq xo‘jaligi xodimlari tashrif buyurdi.

Uchrashuvda dastavval institut direktori Shuhrat Bobomurodov O‘zbekiston tuproqlari, institutning ilmiy faoliyati va salohiyati, tuproq qonuni, tuproq tiplari, tuproqlar unumdorligini oshirish bo‘yicha bajarilayotgan ilmiy-amaliy ishlar, tuproqlarni raqamlashtirish yo‘nalishi, tuproqlarni masofadan zondlash,  tuproqlar geoaxborot dasturining afzalliklari, ilmiy loyihalari natijalari asosida ekinlarga “Smart o‘g‘itlash”ni aqilli texnalogiyalar yordamida qo‘llashni joriy qilish  shuningdek, institut tomonidan barcha yer egalariga sifatli tezkor tuproq xizmatlar ko‘rsatilishi xususida batafsil ma’lumot berib o‘tdi.

 Suhbat chog‘ida Sh. Bobomurodov ana shu ilmiy-amaliy ishlar natijalaridan har bir yer egasi tuproqlari holati to‘g‘risidagi to‘liq ma’lumotlariga ega bo‘lishi uchun yagona “Tuproqlar axborot bazasi” yangi elektron tizimini yaratish bosqichiga yetib kelganligini alohida ta’kidlab o‘tdi.

Koreyaning Ozbekistondagi vakili Jang Jeongryeol o‘z navbatida barcha yer egalariga qulaylik bo‘lishi uchun tuproqlar holatini aniq bilishlari uchun hozirgi kunda Koreya davlatida “Tuproqlar axborot bazasi” shakillantirilib yuritilib kelinayotgani haqidagi ma’lumoti  bilan o‘z yurti tuproqlarining hozirgi holati bo‘yicha so‘zini davom ettirdi.

-Umuman olganda Koreya davlatining maydoni kichkina, ekin ekiladigan maydonlar 3 million gektarni tashkil etadi. Hozirda ekin maydonlarini kengaytirish maqsadida dengiz qirg‘oqlarida dengiz qumlari bilan yerlar tayyorlanmaoqda. Bu esa ilmiy jihatdan juda katta mas’uliyatni talab etadi. Ekinlarni sug‘orish masalasiga kelsak, yog‘ingarchilik ko‘p bo‘lganligi sabab yomg‘ir suvlaridan foydalanamiz. Yig‘ilgan yomg‘ir suvida sho‘rlanish kuzatilmaydi.

Muzokaralarda Koreya tarafidan sohani yanada rivojlantirish uchun asosiy yo‘nalishlarda mavjud imkoniyatlardan samarali foydalangan holda O‘zbekistonda hamkorlikda ro‘yobga chiqarish,  tadqiqot ishlarini yuritishda aloqalarini rivojlantirish, tadqiqot hududlarini belgilash, yerdan foydalanuvchilarga tuproq xizmatlari ko‘rsatishni va ma’lumotlar almashinuvini to‘g‘ri yo‘lga qo‘yish, sohada  ilg‘or ilmiy yechimlarni hisobga olgan holda o‘z taklif va tavsiyalarini berish, yangi ilmiy va texnologik yutuqlarni amaliyotga tatbiq etishdan iborat bo‘ldi.

Uchrashuv yakunida mehmonlar institutning geografik axborot tizimlari (GIS) laboratoriyasi hamdan “Analitik sinov laboratoriyasi” markazi va “Tezkor mobil laboratoriya” jihozlari, va bu yerda olib borilayotgan ish jarayonlari bilan ham yaqindan tanishishdi.